Búgin tańerteńnen bastap Astana ákimdiginiń alańynda mektep jármeńkesi ótýde. Atalmysh shara respýblıkalyq «Mektepke jol» aksııasy aıasynda uıymdastyryldy, dep habarlaıdy qala ákimdiginiń medıa ortalyǵy.
Jármeńke saǵat 17:00-ge deıin ótedi, qala turǵyndary men qonaqtary mektep formasynan bastap oqýǵa qajetti kanselıarııalyq qural-jabdyqtardy arzan baǵamen satyp ala alady.
Jármeńkede otandyq taýar óndirýshiler jasap shyǵarǵan mektep formasynyń túr-túri satylýda. Baǵa bazardyń baǵasynan anaǵurlym tómen.
Kanselıarııalyq qural-jabdyqtar 10%-dan 50%-ǵa deıin, mektep formasy 10%-dan 20%-ǵa deıin, aıaq kıim 10%-dan 25%-ǵa deıin jeńildikpen satylýda.
Jármeńke aıasynda Astana ákimdiginiń uıymdastyrýymen mádenı-saýyqtyrý baǵdarlamasy ázirlenip, shyǵarmashylyq ujymdardyń konserti men qýyrshaqtar teatrynyń qoıylymy qoıyldy.