«EKSPO-2017» halyqaralyq mamandandyrylǵan kórmesindegi elimizdiń ulttyq pavılonynda mıllıonynshy kelýshi tirkeldi, dep habarlaıdy 24.kz.
Halyqaralyq shara bastalǵaly «Nur Álem» sferasy kórmeniń kisi kóp jıylatyn eń tanymal nysany sanalady. Kún saıyn munda 10 myńnan 28 myńǵa deıin adam keledi eken. Al, ashylǵan sátten beri munda 50-ge jýyq prezıdent pen úkimet basshysy qonaq bolypty.
Aıta ketken jón, «Nur Álem» – álemdegi eń úlken sfera pishindi ǵımarat. Dıametri 80 metr, al bıiktigi 100 metrge deıin jetedi. Halyqaralyq shara aıaqtalǵan soń bul qurylys «Bolashaq mýzeıine» aınalyp, keıinnen týrıstik nysan retinde qyzmetin jalǵastyrady.