Asqaq Altaıdyń alqymyndaǵy Katonqaraǵaı aýdanynyń Shyńǵystaı aýylynda bir ǵasyr buryn Ábdikerim bolys salǵyzǵan mekteptiń kóshirmesi boı kóterdi.
Kóne de jańa nysan mektep-mýzeı bolyp ashylyp otyr. Elbasynyń «Rýhanı jańǵyrý» baǵdarlamasy aıasynda júzege asqan shara Ábdikerim bolystyń týǵanyna 155 jyl tolýymen jáne elimizdegi eń alǵashqy bilim ordalarynyń birine sanalatyn mekteptiń 110 jyldyǵymen tuspa-tus kelip otyr.
Mektep-mýzeıdiń ashylýyna Ábdikerim Erejepulynyń týǵan shóberesi Erkin Báıis te kelgen eken. Tusaýkeser lentasy qıylmas buryn qoıylǵan teatrlandyrylǵan kóriniste bilim ordasynan túlep ushqan Sosıalıstik Eńbek Eri Boshaı Kitapbaev, KSRO Halyq muǵalimi Qumash Nurǵalıev, Memlekettik syılyqtyń laýreattary, jazýshy Oralhan Bókeı, Álibek Asqarov jáne Dıdahmet Áshimhan syndy elge belgili tulǵalardyń esimderi ataldy.
Mádenı shańyraqtyń ishinde Ábdikerim bolystan bastap belgili tulǵalar týraly derekter qoıylǵan. Bir bólme ótken ǵasyr úlgisindegi synyp retinde jabdyqtalypty. Mýzeıdiń ashylýyna kýá bolǵan aýyl turǵyndary aıryqsha qýanyshty.
– Oqýshy kúnimiz kóz aldymyzǵa keldi, – deıdi jetpistiń jetegindegi Nurlan aqsaqal. – Tarıhymyzdy tiriltken aýdan azamattaryna alǵysym sheksiz. Onyń ishinde óz qarjysyna osy mektep-mýzeı úıin salyp bergen Ulyqbek Tumashınovke rızamyz. Mýzeı ishin jabdyqtaýǵa zor úlesin qosyp júrgen Dúısen Bralınovke de myń alǵys.
Azamat QASYM, «Egemen Qazaqstan»
Shyǵys Qazaqstan oblysy