«Nur Otan» HDP-nyń Ortalyq apparatynda partııa Tóraǵasynyń birinshi orynbasary Nurlan Nyǵmatýlın jańa taǵaıyndalǵan Konrad qorynyń Qazaqstandaǵy ókili Amos Helmspen kezdesti.
Kezdesý barysynda eki tarap ta bizdiń elimiz ben Germanııa arasyndaǵy ekijaqty yntymaqtastyqty odan ári damytý úshin partııaaralyq pikir almasýdy jetildirýdi málimdedi.
Konrad Adenaýer atyndaǵy qordyń saıası mańyzy bar. Onyń negizgi kózqarasy GFR-daǵy jetekshi partııalardyń biri – Hrıstıan-demokratııalyq odaǵymen úndes. Bul partııa «Nur Otan» partııasymen biraz ýaqyttan beri áriptestik qarym-qatynasta. Qormen tyǵyz yntymaqtastyq negizinde Azııa elderi saıası partııalarynyń halyqaralyq bas assambleıasynyń besinshi konferensııasy ótkizilip, onda «Nur Otan» tóraǵa bolyp saılandy. Alqaly basqosý barysynda Astana deklarasııasy qabyldanyp, onda Memleket basshysynyń negizgi syrtqy saıasattaǵy bastamalary kórinis tapty.
Júzdesý barysynda elimiz táýelsizdik alǵan 20 jyldaǵy jetistikterimiz sóz boldy. Nurlan Nyǵmatýlınniń aıtýynsha, elimizde demokratııalyq qaıta qurýlar barysynda Prezıdent – partııa Tóraǵasy Nursultan Nazarbaevtyń jeke ózi úlken ról atqardy. Qor tóraǵasy Qazaqstan Prezıdentiniń álemdik qoǵamdastyqtaǵy bedeliniń joǵary ekendigin aıyryqsha atap ótti.
Nurlan Nyǵmatýlın men Amos Helms elimizdegi saıası jáne ekonomıkalyq úderister tóńireginde pikir almasyp, shetelderdegi saıası partııalarmen, halyqaralyq uıymdarmen birlesken jobalar jáne yntymaqtastyq jaıynda oı bólisti.
«Egemen-aqparat».