Premer-mınıstr Oljas Bektenov V Tashkent halyqaralyq ınvestısııalyq forýmyna qatysyp, О́zbekstan Respýblıkasynyń Prezıdenti Shavkat Mırzııoevtiń qabyldaýynda boldy.
Kezdesý barysynda Oljas Bektenov Prezıdent Qasym-Jomart Toqaevtyń jyly lebizi men izgi tilegin jetkizdi. Eki el arasyndaǵy ózara is-qımyl senimge, ózara túsinistikke, baýyrlas halyqtar arasyndaǵy berik dostyqqa negizdelgen strategııalyq áriptestik pen odaqtastyqtyń jarqyn úlgisi ekeni atap ótildi. Eki memlekettiń basshylary qol jetkizgen ýaǵdalastyqtardyń kópjosparly yntymaqtastyqty odan ári damytýǵa tyń serpin berip otyrǵany aıtyldy. 2025 jyldyń qorytyndysynda Qazaqstan men О́zbekstan arasyndaǵy ózara saýda kólemi 16,2 paıyzǵa artyp, 4,8 mlrd dollarǵa jetti. Bıylǵy qańtar-sáýir aılarynda ekijaqty taýar aınalymy 1,9 mlrd dollardy qurady, bul ótken jyldyń sáıkes kezeńindegi kórsetkishten 42,1 paıyzǵa artyq. Kezdesýde saýda-ekonomıkalyq baılanystardy damytý, ónerkásip kooperasııasyn keńeıtý, kólik-logıstıka salasyndaǵy ózara yqpaldastyqty nyǵaıtý, sondaı-aq energetıka, sý resýrstary jáne týrızm salalaryndaǵy yntymaqtastyq máseleleri talqylandy.
Forým jumysyna О́zbekstan men Albanııa prezıdentteri, Ázerbaıjan, Belarýs, Qyrǵyzstan, Reseı Federasııasy jáne Tájikstan úkimetteriniń basshylary, sondaı-aq bıznes, halyqaralyq damý bankteri men memlekettik organdardyń ókilderi qatysty. Is-shara barysynda turaqty ekonomıkalyq damý, ınvestısııalar tartý jáne ınnovasııalar engizý máseleleri talqylandy.
Forýmda Oljas Bektenov elimiz Ortalyq Azııanyń ekonomıkalyq áleýetin ashý maqsatynda óńir elderi arasyndaǵy ózara is-qımyldy odan ári tereńdetýdi qoldaıtynyn aıtty.
Elimizde Prezıdent Qasym-Jomart Toqaevtyń bastamasymen júzege asyrylyp jatqan ınstıtýsıonaldyq reformalar ornyqty ártaraptandyrylǵan ekonomıkalyq ósimdi qamtamasyz etýge baǵyttalǵan. Investısııalyq ahýaldy jaqsartýǵa ári iskerlik belsendilikti arttyrýǵa erekshe nazar aýdarylýda. Elimizdiń jańa Konstıtýsııasynda ádiletti ári qýatty memleket qurýdyń berik negizi qalanyp, bul elimizdegi iskerlik ortany odan ári jetildirýge, ınvestısııalyq tartymdylyqty arttyrýǵa qosymsha múmkindik jasaıdy.
2030 jylǵa deıingi ınvestısııalyq saıasat tujyrymdamasy jańartyldy. Sheteldik kapıtal tartý kólemin keńeıtý úshin «Kazakh Invest» ulttyq kompanııasynyń basym naryqtarǵa qatysýy kúsheıtilmek. Bas prokýratýra janyndaǵy Investorlardyń quqyqtaryn qorǵaý komıteti bıznestiń zańdy múddeleriniń qorǵalýyn qamtamasyz etedi. Investorlar men joǵary bilikti mamandar úshin elde bolý sharttaryn jeńildetýdi kózdeıtin «Altyn Visa» jańa arnaıy vızalyq rejimi engizilip jatyr. Birlesip qabyldanǵan bul sharalar ınvestısııalyq belsendilikti yntalandyrýǵa ári elimizdegi joǵary tehnologııaly jańa salalardyń damýyn jedeldetýge baǵyttalǵan.
Premer-mınıstr sıfrlyq tehnologııalar men JI salasyndaǵy yntymaqtastyqtyń áleýetin tilge tıek etti. Qazaqstan jańa býynnyń IT-ekojúıesin belsendi qalyptastyryp jatyr. Eki sýperkompıýter paıdalanýǵa berildi, Alem.ai halyqaralyq jasandy ıntellekt ortalyǵy quryldy. Ortalyq Azııadaǵy sıfrlyq habqa aınalýǵa baǵyttalǵan «DО́O alqaby» jobasy júzege asyrylmaq. Jobany damytýǵa álemdik IT alpaýyttary – Firebird jáne NVIDIA qazirdiń ózinde 10 mlrd dollar kóleminde ınvestısııa salyp otyr.