EKSPO ıgiligi agroónerkásip damýyna septesedi

Baspasóz máslıhatyna Aýyl sharýashylyǵy vıse-mınıstri Gúlmıra Isaeva, «QazAgro» AQ basqarma tóraǵasynyń oryn­basary Gúlnaz Atamqulova, son­daı-aq «Agrotehnologııalar tran­­s­­ferti jáne kommersııa­lan­­dyrý ortalyǵy» JShS bas dı­rek­­tory­nyń mindetin at­qarý­­­shy Aza­mat Sadyqov jáne «Qazaq­stan ult­tyq agrarlyq ýnı­ver­sı­teti» KEAQ sý resýrs­tary jáne me­lıo­ra­sııa kafedrasynyń PhD dok­tory Zulpyhar Baýyr­jan q­aty­syp, kórmeniń agroteh­nologııalar sala­syndaǵy róli týraly aıtyp berdi.

G.Isaevanyń aıtýynsha, EKSPO-2017 tek álemdik energe­tı­ka­da ǵana emes, sonymen qatar kóp­­tegen ózge salalarda da, so­nyń ishinde agrotehnologııalar sala­synda da ınnovasııalar alańyna aınaldy.

«Elimizdiń Aýyl sharýa­shy­lyǵy mınıstrligi asa qy­zyq­t­y jańa tehnologııalardy irik­teý maqsatynda arnaıy ju­mys to­byn qurdy. Bul top bir­ne­she ret aýyl sharýashylyǵy sal­a­syndaǵy aldyńǵy qatarly teh­no­logııalardy tanystyrý­ǵa, semınarlar men kez­de­s­ý­lerge qatysty», dedi G.Isaeva. Qazaqstanda qoldaný yqtı­mal­dyǵymen aýyl sharýa­shylyǵy úshin 15 elden 66 jańa tehnologııa iriktelip alyn­dy. Olardyń ara­synda aýylsharýashylyq qal­dyq­tary­nan energııa jáne jan­ǵysh materıal­dar alý, baldyr bıo­massasyn, tyńaıt­qyshtar alý teh­no­logııa­lary, dándi daqyldar ósi­rý tehno­logııalary, aýyl sharýa­shy­lyǵy aımaqtary úshin beı­ne-monı­torıngtiń ush­qyshsyz avıa­sııa­lyq keshen­derin paıda­laný jáne t. b. ınnovasııalyq jobalar bar.

Iriktelip alynǵan tehno­lo­gııa­lar ǵylymı-saraptamalyq baǵa alý maqsatynda «UAǴBO» KEAQ salalyq ınstıtýttaryna jiberilgen. Sonymen qatar EKSPO-2017 aıasynda álem­dik jetekshi ǵylymı-zertteý orta­lyq­tarymen jáne ázirleý­shi­ler­men yntymaqtastyq ornatyldy. Kórme aýyl sharýashylyǵyn da­my­­týǵa yqpal etetin jáne Qazaq­­stan men ózge elder ara­syn­da­ǵy qarym-qatynasty jan­dan­dyrýǵa kómek beretin zamanaýı ınnovasııalyq agrotehno­logııa­lardy baǵalaýǵa úlken múmkindik berdi, deıdi G. Isaeva.

Al «QazAgro» AQ basqarma tór­aǵasynyń orynbasary Gúlnaz Atamqulovanyń aıtýynsha, qazaqstandyq ınnovasııalyq agrojobalar EKSPO-2017 kórmesinde úzdikter qatarynda bolǵan. G.Atamqulova sonymen qatar «jasyl» tehnologııalardy aýyl sharýashylyǵynda qol­daný­dyń tıimdiligin jáne Qazaq­stannyń organıkalyq ónim­der óndirisindegi áleýetin kór­set­ken «QazAgro» holdıngi­niń ekspozısııasy týraly da baıan­dady. Ol, sondaı-aq kelý­shiler otandyq AО́K damýynyń zama­naýı kezeńimen jáne Qazaq­stan­da organıkalyq aýyl sharýa­­­shylyǵy perspektıva­lary­­­men tanysqanyn, resýrs únem­deıtin tehnologııalar qolda­ny­latyn «QazAgro» joba­lary­na vır­týal­dy saıahat jasaý múm­kin­digi­ne ıe bolǵanyn tilge tıek etti. Máselen, EKSPO qo­naq­­tary qurǵaq bıe súti óndiri­simen tany­sý jáne kúrketaýyq eti óndirisi men qaıta óńdeýdiń tolyq sık­lin kórý, Qazaqstandaǵy eń iri óner­kásiptik jylyjaıdy, sondaı-aq emdámdik sút ónimderi óndirisin aralaý múmkindigine ıe bolǵan. 

G.Atamqulova EKSPO-2017 kór­mesin ótkizý kezeńinde hol­dıngtiń ekspozısııasyn álemniń ártúrli elderinen 10 myńnan astam adam aralaǵanyn da atap ótti. Sondaı-aq kórme aıasyn­da 2017 jylǵy 25 tamyzda «AgroInvestForým 2017» uıym­das­tyrylǵan. Forýmǵa álem­niń 18 elinen 200-den astam qa­ty­sý­shy, onyń ishinde iri shetel­dik ınvestısııalyq qorlar men qarjy uıymdarynyń 40-qa jýyq ókili, sonymen qatar qazaq­stan­dyq jáne sheteldik agro­bız­nes ókilderi qatysqan. F­o­rým­­­nyń qorytyndysy boıyn­sha Qazaq­­stannyń aýyl sharýa­shy­ly­ǵy salasyna ınvestısııalar tartý, ony ekonomıkalyq árta­rap­tan­dyrýǵa qoldaý kórsetý boıynsha birqatar mańyzdy kelisimder men memorandýmdarǵa qol qoıylǵan.

Dınara BITIK, «Egemen Qazaqstan»