Keshe Aqordada Qazaqstan Respýblıkasynyń Memlekettik hatshysy Qanat Saýdabaevtyń tóraǵalyǵymen Ǵylym men tehnıka salasyndaǵy Memlekettik syılyq berý jónindegi respýblıkalyq komıssııanyń qorytyndy otyrysy boldy.
Ǵylym men tehnıka salasyndaǵy Otanymyzdyń Memlekettik syılyǵy ǵylym, tehnıka qaıratkerleriniń qoǵam men el aldyndaǵy eńbegin joǵary baǵalaý bolyp tabylady. Qazaqstan Respýblıkasynyń azamattaryna beriletin bul joǵary marapatty Prezıdent eldik ǵylymdy damytýǵa eleýli úles qosqany úshin eki jylda bir ret Táýelsizdik kúni qarsańynda ózi tapsyrady.
Memlekettik hatshy otyrysty ashar sózinde komıssııaǵa óte jaýapkershilikti tapsyrma júktelgenin, syılyq Elbasynyń Jarlyǵymen bekitiletin bolǵandyqtan usynylǵan jumystardyń ishinen barlyq talaptarǵa sáıkes keletin, ǵylymǵa qosar úlesi bar, bolashaqta nátıjeli bolatyn naǵyz laıyqtysyn irikteý qajet bolǵanyn atap ótti. Bul krıterıılerdiń anyq jáne naqty ekeni belgili. Memlekettik syılyqqa úmitker árbir jumys, eń aldymen, otandyq ǵylymda serpindi bolýy, óz salasynda álemdik ǵylymı jumystarmen básekelese alýy, ǵylymı-tehnıkalyq damýǵa eleýli úles qosýy tıis.
Otyrystyń qorytyndysy boıynsha komıssııa Ǵylym men tehnıka salasyndaǵy 2011 jylǵy Qazaqstan Respýblıkasynyń Memlekettik syılyǵyn berý úshin Prezıdentke usynylatyn jumystardyń tizimin bekitti.
Súleımen MÁMET.