Ortalyq kommýnıkasııalar qyzmetinde ótken óńirdiń áleýmettik-ekonomıkalyq damýyna arnalǵan baspasóz máslıhatynda Pavlodar oblysynyń ákimi Bolat Baqaýov Astanada ótken EKSPO-2017 halyqaralyq kórmesinde kórsetilgen tehnologııalardy óńir ıgiligine jaratý jaıynda sóz qozǵady.
Ákimniń málimdeýinshe, Pavlodar oblysynyń 120 myń turǵyny álemniń jetekshi elderiniń «Bolashaq energııasy» taqyrybyndaǵy jańa tehnologııalarymen tanysýǵa múmkindik alǵan.
«О́ńirde ınvestısııalyq áleýetti damytý boıynsha belsendi jumys júrgizilip jatyr. Bıylǵy jyly EKSPO 2017 halyqaralyq kórmesiniń arqasynda ınvestısııalar tartýǵa jáne jańa tehnologııalardy engizýge múmkindik týdy. EKSPO kórmesiniń jumysy kezinde Astanada Pavlodar oblysynyń «INVEST IN PAVLODAR» kórme zaly jumys istedi. Ortalyqta álemniń 22 eliniń 112 kompanııasymen iskerı kezdesýler ótkizildi. Kezdesýlerdiń qorytyndysy boıynsha aýyl sharýashylyǵy jáne jemister men kókónisterdi qaıta óńdeý boıynsha 3 joba, «jasyl» energetıka boıynsha 2 joba, hımııa, mashına jasaý, týrızm jáne bilim berý salalarynyń árqaısysy boıynsha bir jobadan júzege asyrylyp jatyr», dedi.
Ákim sondaı-aq Polsha Respýblıkasynyń Jalpypolshalyq sharýashylyq Palatasymen Agroqalashyq jobasyn júzege asyrý boıynsha memorandýmǵa qol qoıylǵanyn, Agroqalashyqta shyǵarylatyn ónim tek qana qazaqstandyq naryqqa ǵana emes, sonymen qatar, kórshiles Reseı Federasııasyna da satylymǵa shyǵarylatynyn atap ótti. «Birinshi kezeńde jalpy aýmaǵy 16 ga bolatyn eki jylyjaı men qant qyzylshasyn qaıta óńdeıtin zaýyt salý josparlanyp otyr. Bolashaqta kartoptan krahmal alýǵa jáne jemister men kókónisterdi konservileýge arnalǵan zaýyttar salý kózdelýde. Polshanyń bıomassa (aǵash óńdeý, ósimdik sirý, qýraǵan japyraqtar jáne t.b.) negizinde jumys isteıtin qazandyqtardy shyǵarýmen aınalysatyn Natural Systems (Nachıýral Sıstems) kompanııasynan aýyl sharýashylyq qojalyqtary men kommýnaldyq qyzmet oryndaryna qazandyqtar satyp alynatyn bolady» dedi B.Baqaýov.
Sonymen qatar Izraıldik M.A.D. Corporation kompanııasymen qus fabrıkasy jáne sút-taýarly fermasynyń qurylysy boıynsha 2 joba qolǵa alynǵan. EKSPO kórmesi kezinde óńirde engizýge turarlyq 20 joba tańdap alyndy. Olardyń biri – Polsha eliniń kómirdiń jylýy mol jáne kómirqyshqyl gazy az túziletin «Kógildir kómir» tehhnologııasy. Dalalyq jaılaýlarda ornatý úshin árqaısysynyń qýattylyǵy 1 MVt bolatyn nemis jel energııasynyń qurylǵylaryn satyp alý kózdelip otyr. Aqyldy qalanyń elementi retinde oblys ortalyǵynda ótpe joldy jaryqtandyrý úshin kınetıkalyq energııany paıdalanatyn pezo-elementteri bar jolaýshylar ótpe joldaryn qurý josparlanyp otyr», dedi ákim .
Dınara BITIK,
«Egemen Qazaqstan»