Sırııanyń qarýly oppozısııa delegasııasy Qazaqstan prezıdenti Nursultan Nazarbaevqa sottalǵandardy bosatý máselesi týraly talqylap, aralasýyna ótinish bildirdi. Bul týraly Sırııadaǵy qarýly oppozısııa delegasııasynyń ókili Fateh Hasýn «RIA Novostı» basylymyna bergen suhbatynda málimdedi.
Tańerteń Qazaqstan Syrtqy ister mınıstrimen kezdesken kezde, gýmanıtarlyq máseleler boıynsha jumys isteıtinderin jáne Sırııa halqy úshin beıbitshilikti qamtamasyz etýge, kómektesýge ýáde berdi. Keıin delegasııamen Qazaqstan Syrtqy ister mınıstrliginiń basshysynyń orynbasary kezdesti. «Bizge ótinishimizdiń Nursultan Nazarbaevqa jetkizilgeni jáne barynsha kómektesýge ýáde bergendigi týraly jetkizdi», - dedi oppozısıoner.
QR SIM baspasóz qyzmetiniń habarlaýynsha, vedomstvo basshysy Qaırat Ábdirahmanov Sırııa Úkimeti men qarýly oppozısııa ókilderimen kezdesti. Qos tarap Sırııa beıbit kelissózderi boıynsha Qazaqstannyń beıtarap ustanymy men kelissóz prosesiniń uıymdastyrý jumystary úshin Qazaqstan jetekshiligine rızashylyǵyn bildirdi. Eske sala ketsek, 30 qazan kúni Astanada Sırııa kelissózderi boıynsha jetinshi otyrys bastaldy.