Sizderdi Qazaqstan Respýblıkasynyń Tuńǵysh Prezıdenti kúnimen – qazaqstandyqtardyń taǵdyrsheshti tańdaý jasaǵan kúnimen quttyqtaımyz.
Bul mereke jalpyulttyq tatýlyq pen qoǵamymyzdyń birligin qamtamasyz etken táýelsiz memlekettiń negizin qalaýshy Elbasynyń asa zor eńbegine degen halyqtyń qurmetin bildiredi.
Memlekettik merekege aınalǵan mańyzdy kún ulttyq rýh pen senimdi nyǵaıtady, otandastardyń zııatkerlik pen jasampazdyq kúsh-qýatyn ozyq reformalar men ózgeristerdi júzege asyrýǵa jumyldyrady.
Tuńǵysh Prezıdenttiń saıası erik-jigeri men strategııasynyń arqasynda búgingi tańda Qazaqstan qoǵamdyq turaqtylyqtyń, túrli etnostyq toptar men konfessııalar ókilderiniń beıbit ómiriniń ónegesi boldy.
Qazaqstan táýelsizdiginiń tarıhy – bizdiń Otan úshin jáne búkil halyqtyń ıgiligi úshin jasampaz eńbekten bastaý alatyn tabysqa jetý tarıhymyz.
Qurmetti otandastar!
Elimizde eleýli ózgerister bolyp jatyr: ekonomıkany, saıası júıeni jáne qoǵamdyq sanany jańǵyrtý baǵdarlamalary tabysty iske asyrylýda. Qazaqstandy álemge turaqty jáne zamanaýı damyǵan memleket retinde tanytqan EKSPO-2017 halyqaralyq kórmesi joǵary uıymdastyrýshylyq deńgeıde ótkizildi, halyq sharýashylyǵynyń barlyq salalary qarqyndy damyp keledi.
Biz barsha halyqty Qazaqstan Respýblıkasynyń Tuńǵysh Prezıdenti kúnimen quttyqtaı otyryp, beıbitshilik pen birlik tileımiz.
Densaýlyqtaryńyz zor, tabystaryńyz mol bolsyn!
Qazaqstan halqy Assambleıasynyń Keńesi