Tehnologııalyq mesheýlikten qutylýymyz kerek

Prezıdent N.Nazarbaev­tyń bıylǵy «Tórtinshi óner­kásiptik revolıýsııa jaǵ­daıyndaǵy damýdyń jańa múmkindikteri» atty Joldaýy baǵdarlamalyq qujat bolyp tabylady. Munda Prezıdent elimizdiń aldaǵy jyldarǵa arnalǵan ekonomıkalyq damý baǵdarlaryn anyqtaıtyn negizgi maqsattar men mindet­terdi aıqyndady. Onyń negizgisi ónerkásip pen aýyl sharýashylyǵy salalaryna jańa sıfrly tehnologııalardy batyl engizip, keńinen qoldaný.

Bul jóninde Memle­ket basshysy «Indýstrııa­lan­­dyrý 4.0 jańa tehnolo­gııa­­lyq qalyptyń bar­lyq múm­kindikterin paıda­la­na otyryp, meılin­she ın­no­vasııa­lyq sıpat­qa ıe bolýǵa tıis. Kásiporyn­dary­myz­dy jań­ǵyrtýǵa jáne sıfr­lan­dyrýǵa baǵyttalǵan, ónimniń eksportqa shyǵýyn kózdeıtin jańa quraldardy ázirlep, synnan ótkizý qajet» ekenin aıta otyryp, bular, birinshi kezekte, tehnologııalardyń transfertin yntalandyratynyna toqtaldy. Elbasy ol úshin elimizdiń iri kásip­oryndarynda sıfrlandyrý jónindegi qanatqaqty jobany iske asyryp, keıinnen bul tájirıbeni keńinen taratý kerektigin atap ótti.

Jalpy, ótken jyly óńi­r­imizde 158 kooperatıv qury­lyp, naqty sany 640-qa jetti. Oǵan 55 myńnan astam usaq sharýashylyqtar men fermerlik qojalyqtar múshe boldy. Bul kórsetkish bo­ıynsha oblys respýblıkada birinshi orynda. Al ın­dýs­trııalandyrý kartasy boıynsha 172 joba iske qo­sylsa, óńir ekonomıkasyna tartylǵan ınvestısııa kó­le­mi 417 mlrd teńgeni qurady.

Degenmen tek shıkizat sek­toryna negizdelgen ekono­mıka elimizdegi turaqty­lyqqa negiz bola almaıtyn­yn ótken jyldardaǵy daǵ­da­rystar is júzinde kórsetip berdi. Shyn máninde básekege qabi­let­ti bolý úshin tehnologııa­lyq mesheýlikten qutylyp, ónimdilikti arttyryp, halyq­aralyq naryq­tarda sapaly jáne suranysqa ıe taýarlarymyzdy saýdalaı alatyn kúnge jetýimiz kerek. Bul ásirese agroónerkásip kesheni úshin mańyzdy mindet.

Sádý BEKENOV,

oblystyq máslıhattyń depýtaty, «Ketebaı» óndiristik kooperatıviniń tóraǵasy

Ońtústik Qazaqstan oblysy