Prezıdent Nursultan Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty bıylǵy Joldaýy elimizdiń qoǵamdyq-saıası jáne ekonomıkalyq tynys-tirshiligindegi kúrdeli jáne ózekti máselelerdi kóterýimen qundy. Onda Qazaqstannyń jańa kezeńdegi damýynyń 10 basym baǵyty aıqyn kórsetilgen.
Birinshiden, ındýstrııalandyrý jańa tehnologııalardy engizýdiń kóshbasshysyna aınalýy tıis, bul elimizge aýadaı óte qajet.
Iá, ýaqyt qandaı ushqyr deseńshi! Kúni keshe kompıýterge, uıaly telefonǵa eleń etip, tańdanyp edik, endi zamanaýı qural-jabdyqtardyń kóptegen jańa úlgilerimen tanysyp, bilýdemiz. Qoǵamdy, óndiristi, turmysymyzdy jańartýdaǵy jahandyq trend – sıfrlandyrý.
Álemdik damýdan tysqary qalmaı, 2050 jylǵa qaraı básekege myqty 30 eldiń qataryna qosylý baǵytyn Elbasymyz óte senimdi túrde mejelep berip otyr.
Taǵy bir erekshe toqtalar tus, Joldaý Astanada ótken EKSPO-2017 kórmesiniń tolaıym tabystaryn da qaperge saldy. Balamaly, «taza» energııa salasyndaǵy damýdyń qanshalyqty qarqyndy ekenin sezine kele elimizdegi balamaly energııa úlesin barynsha arttyrý mindetin qozǵady.
Demek, elimiz serpilip, túleı túsedi. Bul sózsiz. Agroónerkásip keshenin jańa tehnologııalyq satyǵa kóterý, adamı kapıtaldy jańa satyǵa kóterýdiń negizi – mektep muǵaliminiń bedelin arttyrý, biliktiligine saı onyń jalaqysyn kóbeıtý, bári-bári de jańa Joldaýda taıǵa tańba basqandaı órnektelgen. Keń-baıtaq ortaq shańyraǵymyzda ıgi ister arnasy keńı beredi, jurtymyzdyń ál-aýqaty jańa deńgeıge kóteriledi, mine, jarqyn taǵdyrymyzdyń joraly joly bul.
Biz, Ulttyq ulandyqtar árqashan da Elbasymen birgemiz. El úshin ekonomıkalyq jáne saıası-áleýmettik damýmen birge rýhanı damýdyń da mańyzdy ekenin jaqsy bilemiz.
Sóz sońynda aıtarym, Elbasynyń halyqqa arnaǵan Joldaýynan týyndaıtyn mindetterdi oryndaýǵa barshamyz belsendi túrde atsalysýymyz kerek.
Álibek SERÁLIEV,
general-maıor, Qazaqstan Respýblıkasy Ulttyq ulany «Batys» óńirlik qolbasshylyǵynyń qolbasshysy
ORAL