Jastarǵa úlgi jasampaz eńbek

Onda bú­kil dáýirdiń tynysy, ult­tyń muraty, memlekettiń kemel ke­leshegi jatyr. Elimizdiń barl­yq jarqyn kórinisterin búge-shú­ge­sine deıin osy eńbekten taba ala­myz. Kitapta aıtylǵan ózekti tujyrymdar qazirgi tarıhymyzdan syr shertip, keler urpaqtyń rýhanı-tanymdyq azyǵyna aınalady dep esepteımin. Jyldar jyljyp, ýaqyt syrǵyǵan saıyn ár sala jańasha turpatta damyp, tyń tynys alady. Búgingi jetistikter tarıh paraqtaryna qattalyp, kitapta aıtylǵan árbir oı keleshekke kerýen tartyp el­di­gimizdiń berik irgetasyna aınala­tynyna senemin. 

«Bizdiń azamattarymyz, ási­rese jastarymyz baǵdary­myz­­dyń ne úshin jáne qalaı aıqyn­dal­ǵanyn, táýelsiz Qa­zaqstan­nyń qandaı jaǵdaıda ómir­ge ke­lip, qu­rylǵanyn, ony qa­lyp­tas­ty­rýda qandaı adam­dar­dyń ma­ńyz­dy ról atqa­rǵan­dyǵyn, sol kez­de qandaı oqıǵalar bol­ǵa­nyn bi­lýge tıis» dep Elbasy eńbe­gin­de aıtylǵandaı, kez kel­gen je­tistiktiń artynda tulǵa­lar tu­ratynyn, el basqarý isi je­ńil ar­qalaıtyn júk emes eken­di­gin ár­bir jas jadyna berik toqy­sa deımin. Sol arqyly táý­el­siz­diktiń qadirin bilip, bir kez­deri ata-babalarymyz osy kún­di ań­sa­ǵan bolsa, endigi ur­paq osy nyǵ­met­ti nyǵaıta túsý min­de­tin te­reń­nen túısinse degen tilek bar. 

Rýhanı bolmysyn saqtap, ult­tyq-qundylyqtaryn joǵaltpaı, tereń­nen tamyr alǵan el ekeni­miz­di búkil álem bilýge tıis. Osyn­­daı aıtýly maqsattarǵa je­tý jolynda jańa zamannyń ta­rı­hyn qalyptastyratyn qaısar da ór, bilimdi de bilikti, joǵary mádenıetke ıe, rýhanı dúnıesi baı jastardyń orny bir tóbe. «Ta­laptyń oty aryndap» turǵan shaqt­a jastarymyz óz múmkindigin jaqsy paıdalanyp ótken kúnnen sabaq alyp, kemel keleshekke qaraı bet alýy tıis. Ult bola­shaǵy búgingi jas urpaqtyń qo­lyn­da. Sondyqtan jastarymyzdy rýhanı tárbıeleýde bá­rimiz tabandylyq tanytýymyz qajet. Osylardyń barlyǵy árbir jasqa úlgi retinde kórinis taýyp, jasampaz jyldardyń jylnamasyna balanǵan týyndyda el bolý jolynda kezikken kedergilerdi múmkindikke, táýekeldi tabysqa aınaldyrǵan sátter naqty dálel­dermen jazylǵan. 

«Tarıhı ádilettilik saltanaty», «Tuǵyry berik memle­ket­tik qurylym», «Basty qun­dy­ly­ǵymyz – beıbitshilikti qas­ter­leı bildik», «Jańalyqtyń jyly lebi jáne qaıta túlegen dástúr», «Syrtqy saıasat: tyńǵa túren salǵandaı», «Qııa­ǵa kóz tikken Qazaqstan bary­sy», «Baıa­ndy bolsyn Bas qala!», «Saıa­sı turaqtylyqtyń je­mi­si», «Táýelsizdik rýhymyzdy shyń­dady», «Biz álemdik daǵ­darys synaǵyna tótep ber­dik», «Buryn-sońdy bolmaǵan zııat­kerlik órleý» dep atalǵan kitap­tyń ár bólimine nazar aýdarsaq, olardyń árqaısysy ózine tán úlken salmaqty arqalap tur. Bolashaǵymyzdy baıyptap, ba­ǵytymyzdy aıqyndaıtyn bas­tamalardyń barlyǵyn osy ta­qyryptardyń ishinen tabýǵa bo­lady. Rasynda da, talaı qıyndyqtardy jeńdik. Rýhy­myzdy qaıta jańǵyrtyp, salt-sanamyzdy saralap, óshke­nimizdi jaǵyp, ótkenimizdi tany­dyq. Damýdyń dańǵyl joly­na bet buryp memlekettik qýa­tyn nyǵaıtqan elimiz, tarıhı jańarý jolynda tyń serpin alyp óz bedelin qalyptastyrdy. Álem­niń damyǵan ozyq elderimen terezesin teńestirip, olarmen saıa­sı-ekonomıkalyq, rýhanı-mádenı ty­ǵyz baılanys ornatty. 

Esmuqan Obaev,  Qazaqstannyń halyq ártisi