Elbasynyń bıylǵy Joldaýynda bilim salasynyń jan-jaqty qamtylǵany bizdi qatty qýantty. Adamzat balasynyń búginge deıin qol jetkizgen uly ıgilikteriniń barlyǵy – bilim, oqý men toqý arqyly jasalǵan.
Sondyqtan bilim berý salasy Elbasynyń nazarynan eshqashan tys qalǵan emes. Memleket basshysy bıylǵy Joldaýynda zamanaýı bilim berý júıesiniń maqsaty – básekege qabiletti, jan-jaqty, kóp til biletin maman daıarlaý, sondaı-aq bilim berý baǵdarlamalarynyń negizgi basymdyǵy ózgeristerge únemi beıim bolý kerektigin aıtady.
Memleket basshysy bıylǵy Joldaýynda: «Orta bilim berý salasynda jańartylǵan mazmunǵa kóshý bastaldy, ol 2021 jyly aıaqtalatyn bolady. Bul – múlde jańa baǵdarlamalar, oqýlyqtar, standarttar jáne kadrlar. Pedagogtardy oqytý jáne olardyń biliktiligin arttyrý joldaryn qaıta qaraý kerek bolady. Elimizdiń ýnıversıtetterindegi pedagogıkalyq kafedralar men fakýltetterdi damytý qajet.
Bilim berýdiń barlyq deńgeıinde matematıka jáne jaratylystaný ǵylymdaryn oqytý sapasyn kúsheıtý kerek. Bul – jastardy jańa tehnologııalyq qalypqa daıyndaýdyń mańyzdy sharty», delingen. Demek, aldaǵy ýaqytta jastardy básekege qabiletti, óz Otanyn súıetin azamat etip tárbıeleý úshin olarǵa bilim beretin muǵalimderdiń de soǵan sáıkes biliktiligin arttyrýymyz kerek.
Elbasynyń bıylǵy Joldaýynda, sondaı-aq bilim salasynda eńbek etetin mamandardyń jaǵdaıyn jasaý, muǵalimderdiń eńbekaqysyn kóbeıtý, oqýshylardyń oqý júktemesin tómendetý, sıfrly bilim berý resýrstaryn damytý, elimizdegi mektepterdi vıdeoqurylǵylarmen jabdyqtaý, t.b. atqarylatyn jumystardy belgilep berdi. Endi biz osy mindetterdi buljytpaı oryndap, elimizdiń damýy jolynda erinbeı eńbek etýimiz kerek. Elbasynyń ıgi bastamalaryna qoldaý bildirip, jańa kúnderden tek jaqsylyqtar kúteıik!
Kamalhan QÝAN, ardager-ustaz, Qazaqstan bilim berý salasynyń úzdigi, Y.Altynsarın atyndaǵy tósbelgi ıegeri