Shyǵaryp salǵan jyldyń sońynda saýapty bir joba qolǵa alynǵan-dy. Bul sharaǵa elimizdiń Bas prokýratýrasynan bastap Ishki ister mınıstrligi, «Qazaqstan krızıs ortalyǵy odaǵy», «Lınııa jıznı 24» qoǵamdyq qory, «RGL» JShS, «KT Cloud Lab» JShS, «Aksent Mıkrosıstems» JShS- men birge Qazaqstandaǵy AQSh Elshiligi de qosylyp, qoldaý kórsetýdi bastady.
Sonymen «Zorlyq-zombylyqsyz ómir» jobasy otbasynda zábir kórip júrgenderge memlekettik organdardyń aralasýymen jáne aqparattyq tehnologııalardy paıdalaný arqyly táýlik boıy kómek berýdi qarastyrady. Jáne kez kelgen shaǵym mindetti túrde qarastyrylyp, qysymǵa dýshar bolǵan adamǵa advokat taǵaıyndalady. Osy arada otbasyndaǵy ozbyrlyq áıelderge ǵana qatysty emes, kámeletke tolmaǵan balalar, qart adamdar men múmkindigi shekteýli jandarǵa da qatysty ekenin atap ótken jón. Bul bastamanyń bir artyqshylyǵy – óz jaqyndarynan zábir kórýshilerdiń qaýipsizdigi úshin zamanaýı tehnologııalardyń júıesin engizý, jedel kómek qyzmetiniń operatıvti áreketi men qorǵaý amaldaryn qadaǵalaý bolmaq.
Dabyl túımesi arqyly atqarylatyn jobanyń mindetteri de naqty tarmaqtarǵa bólingen. Birinshiden, sıfrly qaýipsizdik júıesin engizý úshin uıym memlekettik organdar, qoǵamdyq uıymdarmen birlese otyryp, otbasyndaǵy zábirlenýshilerge jedel kómektesýdi jolǵa qoıady. Jáne jábir kórýshilerge jedel kómek kórsetýdiń tehnıkalyq múmkindikteri qarastyrylady. Oǵan qosa osyndaı jaǵdaıǵa dýshar bolǵandarǵa barynsha jyldam áreket etetin jedel kómek pen qorǵaý amaldaryna qaýipsizdik júıesin engizý bas taldy.
Sondaı-aq «Otbasyndaǵy ozbyrlyqsyz Qazaqstan» jobasy aıasynda Bas prokýratýra, Ishki ister mınıstrliginiń otyrysynda qoldaǵy barlyq nátıjelerdi saraptap, taldaıdy. Ári qaraı kópshilik onyń nátıjelerinen qulaǵdar bolyp otyrady. Eń bastysy, otbasyndaǵy ozbyrlyqqa qarsy qaýipsizdik júıesine arnalǵan zamanaýı tehnologııany paıdalanýdy el zańnamasyna usynys retinde engizý kózdelip otyr.
Byltyrǵy qazan aıynan bıylǵy qazan aıyna deıin ulasatyn jobanyń mańyzdylyǵy mynada: otbasyndaǵy qaýipsizdikti jolǵa qoıý, zamanaýı tehnologııany paıdalana otyryp jedel kómek kórsetý qyzmetimen qamtamasyz etý. Al sıfrly tehnologııalar arqyly bultartpaıtyn dálelder men dáıekter jınaqtaý da quqyq qorǵaý salasynyń qyzmetin jeńildetedi. Memlekettik organ dar tarapynan mundaı baqylaý ornatý azamattarymyzdyń alańsyz ómir súrip, álimjettik jasaǵan qylmyskerlerdi jazaǵa tartyp, zorlyq-zombylyqtyń qaıtalanbaýyna yqpal eteri anyq. Bul joba jańa tehnologııany ómirde paıdalanýdyń alǵysharty bolyp tabylady. Nátıjeli bolǵan jaǵdaıda memlekettiń qoldaýy negizinde júıeni kólemdi etip engizý qarastyrylǵan. Maqsatty aýdıtorııa Almaty qalasynyń segiz aýdanynda turatyn ártúrli dárejedegi otbasynda qysym men jábir kórip júrgen 400-deı áıel bolyp tur.
Sonymen qatar prokýratýra men polısııadan 25 qyzmetker, memlekettik jáne qoǵamdyq uıymdardan 30 adam qatystyrý josparda bar. Eń bastysy, otbasyndaǵy ozbyrlyqqa negizdelgen qaýipsizdik júıesi men jedel kómek qylmystyń qaıtalanýyn 50 paıyzǵa tómendetedi dep kútilýde. Jobanyń nátıjesi el zańnamasyn tolyqtyrýǵa jáne ózgertý engizýge múmkindik ashatyndyǵyn qaıtalap aıta ketken jón. О́z kezeginde bul sharalar baqylaý júıesin túbirimen ózgertip, memlekettik qyzmetkerlerdiń áre ket etýin júıeleıdi. Jańa joba Qazaqstanda biregeı tehnologııalyq bazany jasaqtaýǵa septigin tıgizedi. Nátıjesinde elimizde 58 myńdaı turmystyq jábir kórýshilerge qoldaý kórsetiletin bolady.
Aınash ESALI,
«Egemen Qazaqstan»
ALMATY