“Nurly kósh” baǵdarlamasy Shyǵys Qazaqstan oblysynda tıimdi júzege asyryla bastady. О́skemen qalasy shetindegi Shyǵys aýylynda bıyl 363 otbasy qonys toıyn toılady. Mundaı jaǵymdy jáıt Kýrchatov qalasynda da jalǵasyn tapty. Baǵdarlamada qamtylǵan oralmandarǵa burynǵydaı úı alýǵa dep azyn-aýlaq aqsha berilmeıdi. Tek áleýmettik kómek kórsetiledi.
Kýrchatov qalasyna qonystanatyndarǵa jóndeýden ótken, barlyq jaǵdaıy jasalǵan páter-úıler men ár otbasyndaǵy eki adamǵa mamandyqtaryna saı jumys beriledi. Burynǵy kvota boıynsha beriletin aqsha páter baǵasyna ustatylady. Páter baǵasy úshin bankten alǵan nesıe 15-20 jyl ishinde jeńildetilgen paıyzben tólenedi. Olarǵa páter daıyndaý isimen «Ertis» ÁKK» UQ» AQ aınalysýda. Kýrchatov qalasyndaǵy 4 turǵyn úıge «Ertis» ÁKK 760 mln. teńge kóleminde tolyq jóndeý jumystaryn júrgizdi.
Ońdasyn ELÝBAI.
Shyǵys Qazaqstan oblysy.