Beıbitshilik jáne kelisim saraıynda Din isteri jáne azamattyq qoǵam mınıstrligi Din komıtetiniń tóraǵysy E.Ońǵarbaevtyń tóraǵalyǵymen Qazaqstannyń dinı birlestikter ókilderiniń jıyny ótti.
Is-sharaǵa Joǵarǵy Sot janyndaǵy Sot tóreligi akademııasynyń kafedra meńgerýshisi T.Býrbaev, Ulttyq ekonomıka mınıstrligi Makroekonomıkalyq taldaý jáne boljamdaý departamenti dırektorynyń orynbasary A.Ahmetov, osy departamenttiń basqarma basshysy mindetin atqarýshy N.Shaımahanov, Bilim jáne ǵylym mınıstrligi Joǵary jáne joǵary oqý ornynan keıingi bilim departamenti dırektorynyń orynbasary G.Seralın, sonymen qatar Qazaqstanda tirkelgen dinı birlestikterdiń basshylary men ókilderi qatysty.
Jıynnyń kún tártibine sáıkes Memleket basshysy N.Nazarbaevtyń «Prezıdenttiń bes áleýmettik bastamasy» atty halyqqa Úndeýi talqylandy. E.Ońǵarbaev óz sózinde «Bes áleýmettik bastama – naqty maqsattary men anyq kórsetkishteri bar biregeı áleýmettik baǵdarlama. Elbasymyz kórsetken, usynǵan joldar otandyq ekonomıkanyń eseptelgen múmkindikterine negizdelgen, shynaıy bolyp esepteledi» dep atap ótti.
Dinı birlestikterdiń basshylary Prezıdenttiń áleýmettik bastamalaryn qoldaı otyryp, bul Úndeýdi Memleket basshysynyń tarıhı sheshimi retinde moıyndady jáne bul búkil qazaqstandyq qoǵamnyń múddesin eskeretin ýaqtyly, turaqty, naqty, obektıvti ekenin aıtty.
Jıynnyń qatysýshylary halyqtyń ál-aýqatyn jaqsartýǵa baǵyttalǵan Elbasy jarııalaǵan qujatty qoldady. Astana shirkeýiniń protoprıesti Baıdektiń aıtýynsha, «Bes áleýmettik bastama», ol birinshi kezekte konfessııaaralyq kelisim men birlikke negizdelgen, bizdiń táýelsiz memleketimizdiń progressıvti damýynyń kórsetkishi bolyp sanalady.
Sondaı-aq «Qazaqstannyń dinı birlestikteri qaýymdastyǵy» zańdy tulǵalar birlestiginiń basshysy A.Klıýshev Úndeýdi memleketti odan ári áleýmettik damý men jańǵyrtýǵa baǵyttaıtyn baǵdarlama, memlekettiń áleýmettik saıasatynyń jańa deńgeıge shyǵýy dep baǵalady. «Áleýmettik-ekonomıkalyq máselelerdi sheshý qazaqstandyqtardyń ómir súrý sapasyn jaqsartatyny sózsiz», dedi ol.
Kezdesý barysynda Qazaqstannyń dinı birlestikter ókilderiniń jıyny atynan Naýryz meıramyn toılaýǵa baılanysty Qazaqstan halqyna quttyqtaý haty qabyldandy.