«Taza Qazaqstan» ekologııalyq aksııasy aıasynda Almaty oblysynda aýqymdy senbilik ótti, dep habarlaıdy Egemen.kz. Oǵan óńir boıynsha 30 myńǵa jýyq adam qatysyp, 394 tonna qoqys jınalyp, shyǵaryldy. Bul naýqanǵa 200 arnaıy tehnıka jumyldyryldy. Sondaı-aq 20 myńǵa jýyq aǵash otyrǵyzyldy
Oǵan óńir boıynsha 30 myńǵa jýyq adam qatysyp, 394 tonna qoqys jınalyp, shyǵaryldy. Bul naýqanǵa 200 arnaıy tehnıka jumyldyryldy. Sondaı-aq 20 myńǵa jýyq aǵash otyrǵyzyldy.
Bul kúni Qonaev qalasynda 10 gektar aýmaqty qamtıtyn «Barys» eko-parkiniń negizi qalanyp, aǵash kóshetteriotyrǵyzyldy. Igi sharaǵa qala turǵyndary, jastar, mekeme qyzmetkerleri men belsendiler qatysty. О́ńir basshysy Marat Sultanǵazıev te qolyna ketpen-kúrek alyp, ekologııalyq aksııaǵa óz úlesin qosty.
«Qonaev qalasy – oblys ortalyǵy retinde qarqyndy damyp kele jatqan shahar. Sondyqtan munda halyqtyń demalysyna, salaýatty ómir saltyn ustanýyna qolaıly jaǵdaı jasaý – bizdiń basty mindetimiz. «Barys» eko-parki tek aǵash egetin oryn emes, ol – qala turǵyndary men qonaqtary úshin zamanaýı mádenı demalys ortalyǵy, jaıly qoǵamdyq keńistik bolmaq. Mundaı ıgi sharalarǵa qoǵam belsendileriniń, ardagerlerimiz ben jalyndy jastarymyzdyń atsalysýy kóńil qýantady. «Atadan mal qalǵansha, tal qalsyn» degen danalyqty ustanǵan halqymyz úshin aǵash egý – eń saýapty isterdiń biri. Bul aksııa óskeleń urpaqtyń boıynda patrıotızm men tabıǵatqa degen súıispenshilikti oıatady dep senemin», dedi Marat Eleýsizuly.
Aımaq basshysynyń aıtýynsha, bıyl óńirimizde 220 myń aǵash egý josparlansa, jyl basynan beri onyń 22 myńy otyrǵyzylǵan.
Qala turǵyndary shahardyń kórkeıip, damýy ortaq jaýapkershilik ekenin aıtyp, ıgi bastamaǵa birkisideı atsalysty. Judyryqtaı jumylǵan jumystyń nátıjesinde park aýmaǵyna 200 túp kóshet otyrǵyzyldy. Aldaǵy ýaqytta bul jerdegi kóshettiń jalpy sanyn 5 myń túpke jetkizý josparlanǵan. О́ńirdiń klımattyq ereksheligi eskerilip, tózimdi ári sándi aǵash túrleri tańdap alynǵan. Odan bólek munda jaıaý júrginshiler joly, zamanaýı jaryqtandyrý júıeleri men demalatyn oryndar jasalyp, turǵyndar úshin jaıly ortaǵa aınalmaq. Jyl sońyna deıin tolyq paıdalanýǵa beriledi. Sonymen qatar «Kóshpendiler qalashyǵy» mańynda da eko-park qurylyp, onda 500 túp aǵash otyrǵyzý josparlanǵan. Abattandyrý jumystary kezeń-kezeńimen júrgiziledi.