Keshe shaıbaly hokkeıden joldastyq kezdesý aıasynda «Barys» muz saraıynda Astana qalasy ákimdigi №10 hokkeı mektebiniń shákirtteri Aqkól qalasy balalar úıiniń tárbıelenýshilerin qabyldady, dep habarlaıdy qalalyq ákimdiktiń baspasóz qyzmeti.
«Rýhanı jańǵyrý» baǵdarlamasy aıasynda ótken hokkeı matchynda 2005 jyly týylǵan er balalar baq synasty. Bir saǵatqa sozylǵan oıyn 5:6 esebimen aıaqtaldy. Jeńis qonaqtardyń enshisinde.
Qazirgi kezde Astanada hokkeı seksııasy balalar arasynda keńinen tanymal. Shaıbaly hokkeıden №10 balalar-jasóspirimder sport mektebinde 5 jastan asqan balalar, qazaqstandyq hokkeı lıgasynyń jastary men jasóspirimder lıgasynyń (JHL) komandalary tárbıelenedi. Mektep túlekteriniń otandyq klýbtarǵa múshe bolý múmkindigi bar.