Reseı Federasııasynyń qazirgi prezıdenti Vladımır Pýtın saılaýdyń birinshi kezeńinde 73,9% daýys jınap, jeńiske jetti, dep habarlaıdy saılaýshylar arasynda saýalnama júrgizgen Búkilreseılik qoǵam pikirin zertteý ortalyǵynyń (BQPZO) ókilderi.
Saýalnama málimetteri boıynsha, ekinshi orynda KPRF atynan saılaýǵa túsken kandıdat-bıznesmen Pavel Grýdının (11,2%) tur. Úshinshi orynda LDPR kóshbasshysy Vladımır Jırınovskıı (6,7%) ornalasqan. «Odan keıingi kandıdattardyń jınaǵan daýystary shaǵyn: Ksenııa Sobchak - 2,5%, Grıgorıı Iаvlınskıı - 1,6%, Borıs Tıtov - 1,1%, Sergeı Babýrın - 1,0%, Maksım Sýraıkın - 0,8%», -dep habarlaıdy BQPZO.
Sanaýǵa jatpaıtyn bıýlletenderdiń sany 1,2% ekeni aıtylady. Saýalnamaǵa barlyǵy 162 myń 601 adam qamtylǵan. Qoıylǵan saýaldarǵa respondentterdiń 62,8% jaýap bergen, 37,2%-i jaýap berýden bas tartqan.