Bıyl elimizdiń tól merekesi – Naýryz meıramyn úzdiksiz toılap kele jatqanymyzǵa 30 jyl tolyp otyr.
Tarıhqa kóz júgirtsek, 1988 jyldan Almaty qalasynda, respýblıkanyń kóptegen aýdandarynda Naýryz jalpyhalyqtyq meıram retinde alǵash toılana bastady.
Al 1991 jyly Elbasynyń Jarlyǵymen jalpyadamdyq qundylyqtardy ornyqtyrý, sondaı-aq adam men tabıǵattyń úılesimine qol jetkizý, onyń shynaıy ımandylyq rýhynda izgilikti tazarýy maqsatynda halyqtyq mereke retinde memlekettik mártebege aldy.
Sodan bergi ýaqytta ulyq merekemiz – áz-Naýryz respýblıka halyqtarynyń dostyǵy men baýyrlastyǵyn nyǵaıtý, sondaı-aq ejelgi halyq dástúrlerin jandandyrý jolynda ózindik erekshe sımvolıkalyq mánge ıe boldy.
«Qazaqstan Respýblıkasynda merekeler týraly» zańǵa 2009 jyly engizilgen ózgeristerge sáıkes, bul meıram 21-23 naýryz kúnderi, ıaǵnı úsh kún toılanyp keledi.
Naýryz – tek qana Jer-Ananyń emes, El-Ananyń da egemendik rýhpen araılap atqan árbir tańynyń jańarý, jańǵyrý mezgili der edik. Laıym solaı bolǵaı!