Aqtóbe qalasy respýblıkada qurylǵan tórt aglomerasııalyq aımaq ortalyǵynyń biri. Qazirgi kúni mundaǵy turǵyndar sany 500 myńǵa ıek artyp otyr. Sońǵy ýaqytta bul qala tez ósip-órkendep, qulashyn keńge jaıyp keledi. О́zgesin aıtpaǵanda «Batys» ataýyn ıelengen jańa qurylystar aýmaǵynda taıaý arada taǵy da 200 myń adam qonystanbaq.
Iаǵnı munyń ózi taıaýdaǵy jyldary oblys ortalyǵyndaǵy halyqtyń sany jeti júz myńǵa jetedi degen sóz. Sondaı-aq Aqtóbe aldaǵy jyldarda elimizdiń iri jáne ǵylymı-mádenı ortalyqtarynyń birine aınalmaq. Tipti qazirgi kúnniń ózinde úlken shahar elimizdiń batys óńirindegi stýdentter astanasyna aınalyp úlgerdi deýge tolyq negiz bar. Munda segiz joǵary oqý orny jáne qyryqtan astam kolledjerdiń qyzmet jasaýy osy pikirimizdiń basty dáleli.
Qazirgi kezde turǵyndar sany jarty mıllıondyq shepke jaqyndaǵan qalada eki aýdan qurý isi qolǵa alynǵan. Buǵan basty negiz – Aqtóbe qalalyq ákimdigi men qalalyq máslıhattyń «Aqtóbe qalasynyń ákimshilik – aýmaqtyq qurylymyna tıisti ózgerister engizý týraly» qabyldaǵan birikken qaýlysy bolyp otyr.
Aqtóbelikter úshin tarıhı máni men mańyzy joǵary qabyrǵaly qujat jergilikti baspsasóz betterinde jarııalanǵan. Qala turǵyndarymen ótkizilgen qoǵamdyq tyńdaýlar kezinde Aqtóbe qalasynyń ákimi Ilııas Ispanov osylaı dep málimdedi.
Joǵaryda aıtylǵandaı Aqtóbe qalasy úzdiksiz damý, ósý-órleý ústinde. Onyń halqynyń sany da ishki mıgrasııalyq jáne tabıǵı ósim esebinen jyldan jylǵa tez kóbeıip keledi. Bul faktordyń ózi elimizdiń batysyndaǵy iri qala – Aqtóbeni tıimdi túrde basqarý ári turǵyndardyń talap-tilekteri men muń-muqtajdaryna jaqynyraq kelý qajettiliginen týyndaıdy.
Atalǵan jańalyqty qala turǵyndary da qoldap, qýattap otyr. Osyǵan oraı olar qoǵamdyq tyńdaýlar kezinde óz oı-pikirleri men usynystaryn bildirýde. Onyń bir bóligi qurylatyn aýdandardyń ataýyna qatysty aıtylýda. Bul usynys pikirlerdiń qaı-qaısysy da eskerýsiz qalmaıdy. Keńesip pishken ton kelte bolmaıdy degendeı bul rette túbegeıli sheshim qabyldaýdyń aldynda qala turǵyndarymen taǵy da eki ret qoǵamdyq tyńdaýlar ótkizbek oıdamyz» - dedi gazet tilshisine Aqtóbe qalasynyń ákimi Ilııas Ispanov.
Temir Qusaıyn,
«Egemen Qazaqstan»
AQTО́BE