Ońtústik Qazaqstan oblysynda úıirli shegirtke tektes zııankesterge qarsy hımııalyq kúres sharalary 350 myń gektar alqapta júrgizilmek.
Oblystyq aýmaqtyq ınspeksııa basshysy Nurjan Kashkenovtiń málimdeýinshe, marokko shegirtkesine qarsy kúres sharalary 341 myń gektarda, azııalyq shegirtkege qarsy 4,3 myń gektarda, ıtalıandyq prýs shegirtkesine qarsy 4,7 myń gektarda júrgiziledi.
«Bıyl marokko shegirtkesine qarsy kúres sharalaryna 91 dana jerústi búrikkishteri jumyldyrylmaq. Olar 184,4 myń gektardy zalalsyzdandyratyn bolady. Sondaı-aq, 6 dana AN-2 ushaqtarynyń kómegimen 137,6 myń gektarda hımııalyq óńdeý jumystarynyń júrgizilýi josparlanýda. Oblystyq aýmaqtyq ınspeksııa tarapynan óńdeý jumystarynyń sapaly júrgizilýin baqylaýǵa, uıymdastyrý jumystaryn júrgizýge aýdandar boıynsha 50 ınspektor jáne 19 avtokólik bólinedi», – dedi Nurjan Kashkenov Saryǵash aýdany Birlik aýyldyq okrýginde oblys əkimi Janseıit Túımebaevtyń tóraǵalyǵymen ótken semınar keńeste.
Oblys ákimi zııankesterdiń qanaty qatpaı jatyp, kózin joımasa, boı bermeı ketýi ábden múmkin ekenin eskerte kele, arnaıy qurylǵan shtab jumysyn jandandyrýdy tapsyrdy. Búginde aýdan, qalalarda 11 shtab qurylyp, 43 sý tasyǵysh tehnıka men pestısıdterdi eritýge qajetti 91 sý kózderi jáne 12 pestısıdterdi ýaqytsha saqtaý qoımalary anyqtalǵan. Budan bólek, 15 aerodrom orny belgilenip, 37 myń 500 dana belgi –qazyqtar daıyndylypty.
Erkin DOSYMBAI,
Ońtústik Qazaqstan oblysy