Almatyda «100 jańa oqýlyq» jobasy talqylandy

Alqaly jıyndy ashqan Al­maty qalasy Qazaqstan halqy Assam­­bleıasy Ǵylymı-sa­rap­­shylar tobynyń tóraǵasy, Fı­losofııa, saıasattaný jáne din­ta­ný ınstıtýtynyń saıasattaný bó­li­miniń meńgerýshisi, fılo­so­fııa ǵy­lymdarynyń doktory Muh­tar­bek Shaıkemelev: «Toqsa­nyn­shy jyldardyń basynda otandyq bilim men ǵylym salasy qıyn kezeńge tap bolǵany barshaǵa málim. Onyń ózindik sebepteri boldy. El­degi ekonomıkalyq daǵdarys, for­masııa men ıdeologııanyń óz­ge­rýi jáne basqa da jaıttar keri áserin tıgizbeı qoımady.

Ber­tin kele jaǵdaı birte-birte túze­lip, sol olqylyqtardyń ornyn tol­ty­ra bastadyq. Sondaı ıgi bas­ta­ma­lar­dyń biri – «Jańa gýmanı­tar­lyq bilim. Qazaq tilindegi 100 jańa oqý­lyq» jo­ba­­synyń qolǵa alynýy. On­daǵy maqsat – gýmanıtarlyq bi­limniń barlyq baǵyttary boı­ynsh­a álemdegi eń úzdik 100 oqý­lyqty ártúrli tilderden qazaq tili­­ne aýdaryp, jastarǵa dúnıe júzindegi tańdaýly úlgilerdiń negizinde bilim alýǵa múmkindik jasaý. Sáýir aıynda 18 kitap jaryq kórip, Astanada tusaýkeser rási­mi ótti. Bul sharaǵa Elbasy Nursultan Na­zar­­baevtyń ózi qatysty. Endi bul kitaptar bıylǵy jyldan bas­tap oqý baǵdarlamalaryna enedi. Álem­­degi eń ozyq oqýlyqtardan nár alǵan jastardyń kóp nárse uta­­tyny anyq», dep málimdedi.

Esterińizge sala keteıik, «Jańa gý­manıtarlyq bilim. Qazaq tilin­degi 100 jańa oqýlyq» jobasy boı­ynsha alǵashqy 18 kitap jaryq kó­rip, Astanada tusaýkeser rásimi ót­ken kezde Memleket basshysy Nur­sultan Nazarbaev Qazaqstan Úkimeti men Ulttyq aýdarma bıý­ro­syna «Birinshiden, 2018 jyl­ǵa josparlanǵan 30 kitaptyń ári qaraı sapaly aýdarylýyn jáne ba­s­y­lyp shyǵýyn qamtamasyz etý ke­rek. Qarjylandyrý ýaq­tyly ári to­lyq bólinýge tıis. Kelesi jyly aý­­da­rylady dep jos­parlanǵan oqý­lyq­tar óz ýaqy­tynda iriktelip, taldaýdan ótkizilýi kerek. Ekinshiden, bul oqýlyqtardy bilim berý úde­risine tıimdi túrde engizý – ma­ńyz­dy mindetterdiń biri. Osy oqý­lyq­tar boıynsha oqy­ty­­latyn pán­der jańa oqý jy­­­lynyń bilim berý baǵ­dar­la­­malaryna engizilýi qajet. Úshin­­shiden, ǵylymı tájirıbede qol­­danylatyn barlyq ter­mın­derdi júıelendirip, gýma­nıtarlyq jáne ekono­mı­kalyq leksıkanyń jańa túsi­ndirme sózdigin shyǵarýdy tap­syramyn.

Tórtinshiden, oqý­lyq­tar kádimgi kitaptar sııaqty ba­sylyp shyǵýy kerek. Sonymen qa­tar onlaın bilim berý isin da­mytý qajet. Qazir damyǵan el­derde vırtýaldy ýnıversı­tet­ter bar. «Qazaqstannyń ashyq ýnıversıteti» jan-jaqty qol­daý tabýy kerek. Ashyq leksııa­lar vıdeotekalarynyń jáne solardyń negizinde daıyndala­tyn oqýlyqtardyń sapasyn qada­ǵa­laýǵa erekshe nazar aýdarý qajet. Besinshiden, «100 jańa oqýlyq» jobasy ǵylymı aýdarma mektepterin damytý isinde mańyzdy ról atqa­ra­dy. Sondyqtan aýdarma sala­syn­da tájirıbeniń, bilimniń jáne kási­bı daǵdynyń júıeli damýyn qamtamasyz etý kerek», dep naq­ty tapsyrmalar bergen edi. Mine, qa­zirgi kezde sol tapsyrmalar kezeń-ke­zeńimen oryndalýda.

Almatyda ótken otyrysta Muh­tarbek Shaıkemelevten bólek, Gúl­nar Annaqulıeva, Saǵadı Bólek­baev, Dına Esh­pa­nova syn­dy ǵalym­dar­men qatar, Fılo­so­fııa, saıa­s­at­taný jáne din­taný ıns­tı­tý­ty­nyń 2 kýrs magıstrant-saıasat­tanýshysy Aıǵanym Qaldybaı qatysty.

Ǵalym SÚLEIMEN,

«Egemen Qazaqstan»

ALMATY