Úkimet úıinde keshe Memlekettik hatshy Gúlshara Ábdiqalyqovanyń tóraǵalyǵymen Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń kezekti otyrysy ótti.
G M T Opredelıt ıazykAzerbaıdjanskııAlbanskııAnglııskııArabskııArmıanskııAfrıkaansBaskskııBelorýsskııBengalskııBırmanskııBolgarskııBosnııskııVallııskııVengerskııVetnamskııGalısııskııGrecheskııGrýzınskııGýdjaratıDatskııZýlýIvrıtIgboIdıshIndonezııskııIrlandskııIslandskııIspanskııItalıanskııIorýbaKazahskııKannadaKatalanskııKıtaıskıı (Ýpr)Kıtaıskıı (Trad)KoreıskııKreolskıı (Gaıtı)KhmerskııLaosskııLatınskııLatyshskııLıtovskııMakedonskııMalagasııskııMalaıskııMalaııalamMaltııskııMaorıMarathıMongolskııNemeskııNepalıNıderlandskııNorvejskııPandjabıPersıdskııPolskııPortýgalskııRýmynskııRýsskııSebýanskııSerbskııSesotoSıngalskııSlovaskııSlovenskııSomalıSýahılıSýdanskııTagalskııTadjıkskııTaıskııTamılskııTelýgýTýreskııÝzbekskııÝkraınskııÝrdýFınskııFransýzskııHaýsaHındıHmongHorvatskııChevaCheshskııShvedskııEsperantoEstonskııIаvanskııIаponskıı AzerbaıdjanskııAlbanskııAnglııskııArabskııArmıanskııAfrıkaansBaskskııBelorýsskııBengalskııBırmanskııBolgarskııBosnııskııVallııskııVengerskııVetnamskııGalısııskııGrecheskııGrýzınskııGýdjaratıDatskııZýlýIvrıtIgboIdıshIndonezııskııIrlandskııIslandskııIspanskııItalıanskııIorýbaKazahskııKannadaKatalanskııKıtaıskıı (Ýpr)Kıtaıskıı (Trad)KoreıskııKreolskıı (Gaıtı)KhmerskııLaosskııLatınskııLatyshskııLıtovskııMakedonskııMalagasııskııMalaıskııMalaııalamMaltııskııMaorıMarathıMongolskııNemeskııNepalıNıderlandskııNorvejskııPandjabıPersıdskııPolskııPortýgalskııRýmynskııRýsskııSebýanskııSerbskııSesotoSıngalskııSlovaskııSlovenskııSomalıSýahılıSýdanskııTagalskııTadjıkskııTaıskııTamılskııTelýgýTýreskııÝzbekskııÝkraınskııÝrdýFınskııFransýzskııHaýsaHındıHmongHorvatskııChevaCheshskııShvedskııEsperantoEstonskııIаvanskııIаponskıı Zvýkovaıa fýnksııa ogranıchena 200 sımvolamı Nastroıkı : Istorııa : Obratnaıa svıaz : Donate Zakryt«Elbasy N.Nazarbaev qazaqstandyq otbasylardyń ál-aýqatyn arttyrýǵa jáne olardyń baspanaly bolýyna basa nazar aýdarady. Osy oraıda Prezıdenttiń «7 – 20 – 25» baǵdarlamasyn bekitýi osy mańyzdy máselede kóptegen qazaqstandyqtardyń baspanaly bolýyna degen qamqorlyǵynyń kórinisi. Baǵdarlama qatardaǵy qazaqstandyq otbasylardyń turǵyn úıge qoljetimdiligin arttyrady. Sonymen qatar Memleket basshysynyń tapsyrmasy boıynsha 2017 jyldan bastap «Nurly jer» baǵdarlamasy júzege asyrylýda.
Onyń basty operatorlarynyń biri – Qazaqstannyń turǵyn úı qurylys jınaq banki. «Nurly jer» baǵdarlamasy boıynsha jyl saıyn 10 mln sharshy metrden astam turǵyn úıdi paıdalanýǵa berýge múmkindik týyp otyr. Osy oraıda bul baǵdarlamalarǵa áıelderdiń qatysýy ulttyq komıssııanyń erekshe nazaryna alynady», dedi otyrysty ashqan G.Ábdiqalyqova. Memlekettik hatshy «Nurly jer» baǵdarlamasynyń ıpotekaǵa qoljetimdilik, jalǵa beriletin jáne kommersııalyq turǵyn úıler salý, úlestik qurylys máselelerin sheshý máselesine baǵyttalyp otyrǵanyna keńinen toqtaldy.
Otyrys barysynda «Damý» kásipkerlikti damytý qorynyń ókili Abaı Sarqulov jýrnalısterge bergen suhbatynda el ekonomıkasyndaǵy orny erekshe áıelder kásipkerligi jedel damý ústinde ekenin jetkizdi. Bul – Azııa damý banki, EQDB sekildi halyqaralyq ınstıtýttardyń maqsatty túrde áıelder kásibin damytýǵa qoldaý kórsetýiniń nátıjesi. 2010 jyldan bastap áıelder kásipkerligin shaǵyn nesıemen qamtý baǵdarlamasy boıynsha jeńildetilgen sharttarmen 1654 adam jalpy somasy 14,3 mlrd teńge mólsherinde nesıe alǵan.
Sonymen birge «Damý» qory da «Bıznestiń jol kartasy-2020», «Eńbek» baǵdarlamalary boıynsha áıelderdi qoldaıdy. Osy oraıda aıta keter jaıt, jyldan-jylǵa kásipker áıelder sany artýda. «Olar kóbine kondıterlik salada, nan jáne toqash óndirisi salasynda kásip ashady. Densaýlyq saqtaý salasynda, sulýlyq salondary men tigin atelesin ashý boıynsha da jobalar kóp. Áıelder ózi ashqan kásipterin óte saýatty jáne uqypty, jaýapty júrgizedi», dedi ol.
Budan soń Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda aýyldyq jerlerdegi kásipker áıelderdi qarjylyq jáne qarjylyq emes tetikter arqyly qoldaýdy qamtamasyz etý máselesi talqylandy. Aýyl sharýashylyǵy vıse-mınıstri Rústem Qurmanov baǵdarlama arqyly aýyldyq jerlerdegi kásipkerler qarjylandyrylyp jatqanyn jetkizdi. Onyń aıtýynsha, ótken jyly bul baǵdarlamanyń bıýdjeti 27 mlrd teńgeni qurap, kásipkerlerge 6,7 myń nesıe berilse, onyń 2,3 myńyn kásipker áıelder alǵan. «Biz eki baǵyt boıynsha qarjylandyramyz, ıaǵnı aýyl sharýashylyǵyna qatysty jáne aýyl sharýashylyǵyna qatysy joq bıznes bolyp bólinedi.
Atap aıtqanda, bıznestiń aýyl sharýashylyǵyna qatysy joq bıznes túrleri boıynsha nesıelerdi negizinen áıelder alady. Árıne olardyń aýyldaǵy ınfraqurylymdy damytyp jatqandyǵy qýantady. Bul rette shashtaraz, tigin salondary, naýbaıhanalar ashylýda», dedi ol. Sondaı-aq «Atameken» UKP-men birge «Bastaý Bıznes» jobasy júzege asýda. Ol aýyldyq jerlerdegi óz-ózin eńbekpen qamtýshylardyń jáne jumyssyzdardyń ekonomıkalyq belsendiligin arttyrýǵa baǵyttalǵan. Joba boıynsha 14 oblystan barlyǵy 15 myń adam oqytylsa, onyń 41,5 paıyzdyq úlesi áıelder enshisinde eken.
Otyrys sońynda Memlekettik hatshy G.Ábdiqalyqova memlekettik organdarǵa birqatar naqty tapsyrma berdi.
Venera TÚGELBAI,
«Egemen Qazaqstan»