Bul jyly elimizdiń Islam Konferensııasy Uıymynyń Syrtqy ister mınıstrleri Keńesine tóraǵalyq etýi kópqyrly dıplomatııany jalǵastyrýǵa, musylman álemi elderimen yntymaqtastyqty keńeıtýge tyń serpin berdi. Sonymen qatar atalmysh jyl Prezıdent Jarlyǵymen Táýelsizdiktiń 20 jyldyǵy bolyp jarııalanyp, mereıtoı urany «Beıbitshilik pen jasampazdyqtyń 20 jyly» dep ataldy.
18 qańtar – Astanada Qazaqstan halqy Assambleıasynyń XII sessııasy ótip, jıynǵa «Halyq birligi – táýelsizdik negizi» deıtin ataý buıyrdy.
27 qańtar – Elbasy Nursultan Nazarbaev «Qazaqstan Respýblıkasy Táýelsizdiginiń 20 jyldyǵyn atap ótý týraly» Jarlyqqa qol qoıdy.
4 aqpan – Qazaqstan Prezıdentiniń kezekten tys saılaýy aldaǵy 3 sáýirge belgilendi.
8 aqpan – VII Qysqy Azııa oıyndary saltanatty túrde jabyldy. Oǵan Elbasy N.Nazarbaev qatysty.
12 aqpan – qala basshysy I. Tasmaǵambetov VII Qysqy Azııa oıyndarynda jeńis tuǵyryna kóterilgen elordalyq sportshylardy qabyldap, Elbasy atynan páter syılady.
17 naýryz – Ulystyń uly kúni qarsańynda Elbasynyń qatysýymen Kongress-holda merekelik shara ótip, jıyn ústinde 400 otbasyna páter kilti tabystaldy.
30 naýryz – Prezıdent N.Nazarbaev Astanada turǵyn úı qurylysyn damytý baǵdarlamasy boıynsha salynyp jatqan «Jaǵalaý-3» turǵyn úı keshenin aralap kórdi.
3 sáýir – kezekten tys Prezıdent saılaýy ótip, «Nur Otan» HDP Tóraǵasy N.Nazarbaev saılaýshylardyń 95,5 prosent daýysyna ıe boldy.
8 sáýir – Táýelsizdik saraıynda Qazaqstan Respýblıkasynyń Prezıdentin ulyqtaý rəsimi ótip, Ortalyq saılaý komıssııasynyń tóraǵasy Qýandyq Turǵanqulov Nursultan Nazarbaevqa Qazaqstan Prezıdenti kýáligin saltanatty túrde tabys etti.
19 sáýir – Memleket basshysy elordada salyp jatqan jańa opera jáne balet teatrynyń qurylysyn aralap kórdi.
23 mamyr – qala ákimi I.Tasmaǵambetovtiń tóraǵalyǵymen Astanada IýNESKO jáne ISESKO isteri jónindegi Ulttyq komıssııanyń otyrysy ótti.
25 mamyr – elordada Dúnıejúzi qazaqtarynyń IV quryltaıy bastaldy. Táýelsizdik saraıynda ótken jıynǵa Elbasy – Dúnıejúzi qazaqtary qaýymdastyǵy Tóralqa Tóraǵasy Nursultan Nazarbaev ózi qatysyp, sóz sóıledi.
10 maýsym – Elbasy N.Nazarbaev qalany kómkerip turǵan jasyl beldeý – orman alqabyn aralap, oǵan qyrǵaýyl ushyrylyp, elik jiberilgen sátke kýá boldy.
4 shilde – Elbasy N.Nazarbaev memlekettik rámizder alańynda qala kúniniń resmı ashylýyna qatysyp, áskerı oqý ornynyń túlekterine ofıserlik shen tapsyrdy.
6 shilde – Prezdent N.Nazarbaevtyń qatysýymen bas qalada tramvaı jelisi qurylysynyń irgetasy qalanyp, kapsýla qoıyldy.
26 shilde – Elbasy N.Nazarbaev Astanadaǵy ǵylymı-zertteý jobalaý ınstıtýtyna baryp, táýelsizdiktiń 20 jyldyǵyna arnalǵan saltanatty qaqpanyń jobasyn kórdi.
25 tamyz – Qazaqstanǵa resmı saparmen Koreıa prezıdenti Lı Mıon Bak keldi. Oǵan «Astana qalasynyń qurmetti azamaty» ataǵy berildi.
9 qarasha – Elbasy N.Nazarbaev qala ákimi I. Tasmaǵambetovti qabyldady. Qala basshysy elordanyń áleýmettik-ekonomıkalyq damý qorytyndylary men aldaǵy ýaqytta paıdalanýǵa beriletin nysandar jaıly, sondaı-aq el táýelsizdiginiń 20 jyldyǵyn merekeleýge daıarlyq barysy týraly Elbasyn habardar etti.
24 qarasha – elorda basshysy I.Tasmaǵambetovtiń qatysýymen shahardyń ınfraqurylymyn jańǵyrtýǵa baǵyttalǵan jıyn ótti.
9 jeltoqsan – Memleket basshysy N.Nazarbaev elordada «Tulpar-Talgo» jolaýshy vagondaryn shyǵaratyn zaýyttyń ashylýyna qatysty.
16 jeltoqsan – Astanada Qazaqstan Táýelsizdiginiń 20 jyldyǵyna oraı «Máńgilik El» qaqpasynyń saltanatty ashylýy boldy. Resmı sharaǵa Memleket basshysy N.Nazarbaev qatysty. Nysannyń bıiktigi – 20 metr. Qaqpanyń sol jaq qaptalynda «Aqsaqsal» músini ornatylǵan. Bul – halyqtyń rýhanı ólsheminiń kórinisi, danalyq sımvoly.
19 jeltoqsan – Brıýssel qalasynda EFQM bas dırektory Per Kashe Astana qalasyna sapa menedjmenti jónindegi Eýropalyq qordyń «Moıyndalǵan jetistik» sertıfıkatyn tapsyrdy. Bul qujat – sapa menedjmenti júıesin engizýde básekege qabiletti úzdikterge beriletin marapat.
Daıyndaǵan Beken Qaıratuly
«Egemen Qazaqstan»