Respýblıkalyq «Aıala» qaıyrymdylyq qory «О́mir syılaıyq» jobasynyń aıasynda Astana qalasynyń 20 jyldyq toıy qurmetine oblystyq balalar aýrýhanasyna shala týǵan nárestelerdi kútip-baǵýdy jeńildetý úshin eýropalyq sapadaǵy quny 16 mıllıon teńge turatyn medısınalyq jabdyqtardy syıǵa tartty.
Medısınalyq jabdyq quramynda aýyr jaǵdaıdaǵy náresteler men shala týǵan sábılerdi emdeýge, kútý barysynda syrtqy ortanyń ońtaıly jaǵdaılaryn jasaýǵa arnalǵan Amelie qarqyndy terapııa ınkýbatory ornatylady. Munyń baǵasy 6 mln 700 myń teńge turady. Sonymen qatar 4 mln 460 myń teńge turatyn Amenic ashyq jáne jan saqtaý júıesin dárigerler shala týǵan sábılerdiń jáne aıy-kúni jetip týǵan nárestelerdiń jan saqtaý jáne odan keıingi kútim sharalary kezinde paıdalanady.
– Amelix úsh fototerapııa shamynyń quny 2 mln 940 myń teńge turady. Olardyń sáýlesiniń astynda sary aýrý týǵyzatyn bılırýbın deńgeıi joǵary sábılerdi ustaımyz. Bul apparattyń keremettigi emdeý eshqandaı dári-dirmeksiz ótedi. Qarqyndy terapııada jatqan naýqas balalardyń ómirlik asa mańyzdy kórsetkishterin myna eki monıtor arqyly baqylap otyramyz. Olardy «Aıala» qory 1 mln 900 myń teńgege áperip otyr. Qysqasy osy zamanaýı medısınalyq jabdyqtardyń barlyǵy da aýrýhanada bar. Biraq olardyń keıbiriniń tozyǵy jetip keledi, ári naýqastarǵa jetimsiz bolatyn. Endi bizge qosymsha kúsh keldi dep bilemiz, – deıdi oblystyq balalar aýrýhanasynyń bas dárigeri Igor Belobrejınskıı.
«Aıala» qaıyrymdylyq qorynyń oblystyq balalar aýrýhanasyna jabdyqtardy tapsyrý sharasyna oblys ákimi Arhımed Muhambetov qatysty.
– Astananyń 20 jyldyǵy qarsańynda oblysta ıgi shara ótip otyr. Elbasy densaýlyq saqtaý salasyndaǵy qyzmet sapasyn joǵarylatý árdaıym tapsyryp keledi. Oblysta sol tapsyrmalar oryndalyp keledi. Kóptegen densaýlyq saqtaý nysandaryna kúrdeli jóndeýler jasaldy, medısınalyq qurylǵylar satyp alynyp jatyr. 2018 jyly tek osy medısınalyq qurylǵylar men jabdyqtar úshin oblys bıýdjetinen 2,8 mıllıard teńge bólindi. Densaýlyq saqtaý salasynyń qyzmeti jaqsara túsýi úshin bul da jetkiliksiz. Sondyqtan demeýshiler kómegi árqashan da qajet. «Aıala» qaıyrymdylyq qorynyń búgingi sharasy osyndaı ıgi istiń biri, – dedi Arhımed Begejanuly.
«Aıala» qaıyrymdylyq qory medısınalyq jobalarynyń jetekshisi Berik Darjanov tek oblystyq aýrýhanaǵa ǵana emes, mádenıet jáne bilim salasyna da kómek beretinin aıta kelip, ol Jetim jáne ata-anasynyń qamqorlyǵynsyz qalǵan balalarǵa arnalǵan №2 Qostanaı túzetý mektep-ınternatyna, Lısakov jáne Arqalyq qalalaryndaǵy osyndaı mekemelerge, ınteraktıvtyń taqtalar sertıfıkatyn tabys etti. Sondaı-aq Sarykól aýdanyndaǵy aýdandyq kitaphanaǵa 1 mln 536 302 myńǵa balalrǵa arnalǵan kitaptar satyp alynǵany jóninde sertıfıkat tapsyrdy. Osy kitaphanaǵa qomaqty qarjyǵa sıfrlandyrý qurylǵylary da tabys etildi.
Qor mamandary osyndaı qaıyrymdylyq iske demeýshilik jasaǵan qor men qazaqstandyqtar Halk onlaine banking jáne SMS («Bılaın», Ksell, Activ, Tele2) arqyly qarjy jınalǵanyn, qarapaıym qazaqstandyqtar «Eır Astana» satý ofısterinde, «Qaǵanat» ashanalar jelisinde, Mamma Mia meıramhanalar jelisinde ornatylǵan bokstarda túrli aqsha somalaryn qaldyrǵanyn aıtty.
Názıra Járimbet
«Egemen Qazaqstan»
Qostanaı