Men úshin ásem qala Astanany turǵyzǵan, óziniń talanty men eren eńbegi arqasynda Qazaqstannyń jańa elordasyn álemge syılaǵan barlyq adamdardy jáne onyń turǵyndaryn quttyqtaý úlken abyroı!
Bul oraıda erekshe jyly sóz óziniń teńdessiz talanty men aıryqsha ıdeıasy biregeı qalany turǵyzýda avtorlyq qoltańbaǵa aınalǵan, Respýblıkanyń negizin qalaǵan Qazaqstannyń Tuńǵysh Prezıdenti Nursultan Ábishuly Nazarbaevqa arnalatyny sózsiz.
Men Astanada birneshe ret boldym. Sonda ár kelgen saıyn, kezinde tyń ıgerý jyldarynda, biz máskeýlik stýdentter, bul aımaqta jumys istegenimizdi eske alamyn. Tipti súıekten óter jel men kóz ashtyrmas boranǵa qaramastan bizdiń arqan boıymen Tyń ıgerýshiler saraıyna jetkenimizdi de umytý múmkin emes. Al muny eńserýge ne sebep bolǵanyn anyqtar bolsaq, ol – bı keshi edi!
Endi búginde Astana kóshesimen serýendep kele jatqanda, bul tek jas qala emes, jastardyń qalasy jáne jańa qazaqstandyq urpaqtyń qalasy ekendigi týraly oı keledi. Mine, bul sózsiz, elordanyń basty kelbetin aıqyndaı túsedi.
Astana, tutas Qazaqstan sekildi bolashaqqa umtylýda!
Bul jolda Sizderdiń barshańyzǵa sáttilik tileımin!
Vıtalıı IGNATENKO,
Búkilálemdik orys baspasózi assosıasııasynyń prezıdenti, IýNESKO-nyń izgi nıet elshisi