Fransııa astanasy Parıj qalasynda jeńil atletıkadan «Gaýhar lıga» jarysynyń jetinshi kezeńi aıaqtaldy. Elimizdiń atynan qatysqan Olga Rypakova 14.25 metrge sekirip, segizinshi oryn ıelendi.
Rypakova munyń aldynda Oslodaǵy eń úzdik kórsetkishi 14.06 metr bolǵan. Bul kezeńde 2016 jylǵy Olımpıada chempıony, kolýmbııalyq Katrın Ibargýen óziniń naǵyz babynda ekenin taǵy da baıqatty. Ol 14.83 metr sekirip, chempıon atandy. Ekinshi oryn ıamaıkalyq Kımberlı Ýılıamske buıyrdy (14.56). Úshtikte bıylǵy maýsymnyń jańalyǵy bolǵan AQSh sportshysy Torı Franklın bar (14.49).
Aıta keteıik, Rypakova fransýz qyzy Janın Assanı-Iýsýf (14.16), Izraılden kelgen Anna Knıazeva-Mınenko (14.04) jáne 2017 jylǵy Pan-Amerıka oıyndarynyń chempıony brazılııalyq Nýbıe Soaresten (13.94) ozdy.
Daıyndaǵan Álı BITО́RE,
«Egemen Qazaqstan»