Qyzylordada «Nur Otan» partııasyna jańa músheler qabyldandy

Qyzylorda oblysynyń ákimi, «Nur Otan» partııasy oblystyq fılıalynyń tóraǵasy Qyrymbek Kósherbaev Astana kúni merekesi qarsańynda partııa qataryna qabyldanǵan nurotandyqtardy quttyqtap, partııa bıletterin tabystady.

- Biz osyndaı sanaýly merzim ishinde Eýrazııanyń marjanyndaı bolǵan, ásem de kórikti qala turǵyza aldyq. Bul barsha qazaqstandyqtardyń bereke-birlik, tyndyrymdy tirliginiń arqasynda iske asqan dúnıe. Astana qalasynyń 20 jyldyǵy qarsańynda elimizdegi jetekshi saıası uıymnyń qataryna jańadan qabyldanyp jatqan azamattardy, partııalastardy Memleket basshysy, partııa Tóraǵasynyń strategııalyq josparlaryn júzege asyrý jolynda belsendi jumys jasaýǵa shaqyramyn. Ekonomıkalyq damýdyń joǵary qarqynyn jáne barlyq azamattardyń ál-aýqatyn talap deńgeıinde qamtamasyz etýdi el aldyndaǵy mindetim dep qabyldaıdy degen senimdemin,- dedi aımaq basshysy.

 Baqtııar TAIJAN,

«Egemen Qazaqstan»

  Qyzylorda oblysy