Aımaqtarǵa sapar aıasynda Parlament Senatynyń depýtaty, Konstıtýsııalyq zańnama, sot júıesi jáne quqyq qorǵaý organdary komıtetiniń múshesi Rysqalı Ábdikerov Qaraǵandy oblysyndaǵy Qarajal-Jáırem aımaǵynyń tynys-tirshiligimen tanysyp, birneshe kásiporyndardy aralady.
Depýtat «Qarajal qalasynyń turǵyn-úı kommýnaldyq sharýashylyǵy, jolaýshylar kóligi, avtomobıl joldary qurylys jáne turǵyn úı ınspeksııasy bólimi» mekemesinde, №5 jalpy bilim berý mektebinde, sý qoımasynda, «О́rken-Atasý» ókildiginiń «О́rken» mekemesinde bolyp, eńbek ujymdarymen kezdesti. «О́rken» mekemesindegi kezdesýler barysynda kásiporynnyń jumysymen tanysyp, óndiriletin kenniń qory jáne ony ıgerý, jumysshylardyń eńbekaqy máseleleri týraly sóz boldy.
Senator sondaı-aq Qarajal qalalyq máslıhat depýttatarymen aımaqtaǵy mekeme basshylarymen, buqaralyq aqparat quraldarynyń ókilderimen de kezdesip, Elbasynyń bes áleýmettik bastamasynyń mańyzyn jan-jaqty túsindirdi. 7-20-25 baǵdarlamasy men bilim granttary, stýdentterdi jataqhanamen qamtamyz etý jaıynda da áńgime boldy.
- Jańaarqa aýdany boıynsha mektep túlekteriniń 80 paıyzy tehnıkalyq mamandyqtarǵa qujat tapsyrdy. Olar aldaǵy kúnderde Qarajal-Jáırem aımaǵyndaǵy fabrıkalaryna jumysqa ornalasyp, jumyssyzdyq azaıady dep oılaımyn, - dedi senator. Ol sondaı-aq aımaqta atqarylyp jatqan ıgi isterge toqtalyp, eńbekkerlerdiń qajyrly qyzmetine rızashylyǵyn bildirdi.
Senat depýtaty R.Ábdikerov Qarajal qalasynyń ákimi T.Dosaevpen birge óńirdegi alyp kásiporyn «Jáırem ken-baıytý kombınaty» aksıonerlik qoǵamda bolyp, atqarylyp jatqan jumystarmen tanysty. Senator kásiporyn basshylyǵymen jáne jumysshylarmen kezdesý barysynda olardyń eńbekteriniń tabysty bolýyna tilektestigin bildirdi.