Atyraýdyń úzdik taýary anyqtaldy

«Qazaqstannyń úzdik taýary» res­pýb­­­lıkalyq kórme-baıqaýynyń ob­lys­tyq kezeńine Atyraýda 40 kásip­ker­lik qatys­ty. «Jalpy aı­maq­ta 56 myńnan astam shaǵyn jáne or­ta bıznes sýbektisi bar, bul salada 120 myń adam jumyspen qamtyl­ǵan, deıdi oblystyq kásipkerlik jáne ın­dý­strııalyq-ınnovasııalyq damý bas­qar­masy basshysynyń orynbasary Gúlzada Qaıyr­ǵalıeva. – О́tken jyly 1,7 mlrd teńgeniń ónimi óndirildi. Kór­set­kish jyl sanap artyp keledi».

Qazir kásipkerlerge memleket tara­pynan qoldaý jaqsy. Jergilikti atq­arýshy bılik te bıznes bastaımyn degenderge kómek kór­setýden aıanǵan emes. Bıyldyń ózinde 500 mln teńge sha­ǵyn nesıeleýge bólinip otyr. О́ńir­de kásipkerlik salasy negizinen qyz­met kórsetý men jeńil ónerkásipke ne­gizdelgen. 

Kórme-baıqaýdyń qorytyndysy boıyn­sha «О́ndiristik maqsattaǵy úz­dik taýarlar» atalymynda Atyraý mu­naı óńdeý zaýyty, «KasHım», «NovoStroıProekt» serik­tes­tik­te­riniń ónimderi júldeger boldy. «Halyq tutynatyn úzdik taýarlar» atalymynda «Caspiy Lana Atyrau» JShS ónimderi, «Etalon» jarnama agenttiginiń sývenır buıymdary, «Orazbaeva JK» ulttyq kıimderi je­ńimpaz dep tanyldy. «Úzdik azyq-tú­lik taýarlary» sanaty boıynsha «Trans Tech International» nan ónim­de­­ri, «AsylAgro» shujyqtary jáne «AtyraýAgroFelıkstiń» kókónis salat­tary úzdikter qatarynda ataldy. Atyraý qalalyq ákimdigi taǵaıyndaǵan «Úzdik áleýmettik kásipker» ataǵyn «Bým-2020» JK ıelense, «Sultan» ShQ eshki sútin óńdeýge baǵyttalǵan ju­mysy «Úzdik ınnovasııalyq joba» re­tinde marapattaldy. 

Kórme-baıqaýdyń úsh atalymy boıyn­sha oblysta ozyp shyqqan to­ǵyz ká­sipkerlik endi res­pýb­lı­ka­lyq kezeńde synǵa túsedi. 

Baqytgúl BABASh, «Egemen Qazaqstan»

ATYRAÝ