Astanadaǵy ashyq aspan astyndaǵy murajaı ekspozııasııasy «Býrannyń» maketimen tolyqty.
Eske salsaq, Astana kúnine oraı Qyzylorda oblysynyń tartýy retinde ashyq aspan astyndaǵy murajaı úlgisindegi zymyran-ǵaryshtyq tehnıka ekspozısııasynyń tanystyrylymy ótken bolatyn. Zymyran-ǵaryshtyq tehnıka ekspozısııasynyń ashylýyna memleket basshysy Nursultan Nazarbaev qatysqan bolatyn.
Aıta keteıik, ashyq aspan astyndaǵy murajaı ekspozısııasy Astananyń sol jaǵalaýynda 1,4 gektar aýmaqta ornalasqan. Osyǵan deıin kórme aýmaǵynda «Soıýz», «Proton», «Zenıt» zymyran-tasyǵyshtarynyń shynaıy kólemdegi úlgileri qoıylǵan bolatyn. Sondaı-aq tehnıkalyq sıpattamalary, jasalý jáne qoldanylý tarıhy, ıaǵnı zymyrandar týraly barlyq aqparat kórsetilgen arnaıy aqparattyq stendter ornatylǵan.
«Býran»- bul «Energııa-Býran» baǵdarlamasy aıasynda qurylǵan keńestiń qaıta paıdalanýǵa bolatyn kólik keńistiginiń orbıtalyq kemesi. «Energııa-Býran» halyqaralyq ǵaryshtyq stansııasyn qurý keńestik ǵarysh tarıhyndaǵy eń aýqymdy jáne qajyrly eńbekti qajet etken baǵdarlama boldy. 18 jyl ishinde halyqaralyq ǵaryshtyq stansııasy úshin 1286 kásiporyn men uıymdarda, 86 mınıstrlik pen vedomstvolarda 1 mıllıonnan astam adam jumys istedi, eldiń iri ǵylymı-óndiristik ortalyqtary tartyldy. «Býran» ǵarysh kemesiniń qonýy úshin «Baıqońyr» ǵarysh aılaǵynda ushý-qoný jolaǵy jaqsartylǵan «Iýbıleınyı» aerodromy salynǵan.