Naýqan qarqyn aldy

Jalpyulttyq sosıal-demokratııalyq partııanyń Májilis jáne máslıhattar saılaýyna daıyndyq naý­qany qarqyn aldy. 26 qa­rasha kúni Almatyda ótken 9 sezinde alda kele jat­qan Parlament saılaýyna 57 adamnan turatyn úmit­kerler tizimin bekitken partııa bul kúnderi elimizdiń jer-jerinde úgit-nasıhat ju­mystaryn qyzý júrgizýde. Keshe Jalpyulttyq so­sıal-demokratııalyq par­tııa­nyń belsendileri saı­laýaldy úgitti Aqtóbe jerinde jalǵastyrdy. Partııa músheleri bul óńirdegi alys aýdandarǵa da baryp, aýyl turǵyndarymen dı­dar­la­syp, sóılespekshi. Olar­dyń aıtýynsha, aýyl jastaryn jumysqa orna­las­tyrý máse­lesin sheshý ar­qyly azyq-tú­lik taýar­la­ry­nyń baǵalaryna yqpal etýge bolady. Keshe JSDP múshe­leri oblys or­ta­lyǵynda jáne Hromtaý aýda­nynda bol­dy. Partııalyqtar tobyn bastap júrgen belgili saıasatker, JSDP tóral­qa­sy­nyń múshesi Petr Svoık qa­zirgi tańda Qazaqstanǵa prezıdenttik bılikti parlamenttik bılikpen nyǵaıta túsý ma­ńyzdy dep sanaıdy. Saıasatker bul arada kóppar­tııa­ly parlamentti aıtyp otyr­ǵany túsinikti. «Parlament Úki­met­ti jasaqtaýǵa tıis, al Úkimet Parlamentke esep berýge     tıis», deıdi Petr Svoık. Almaty qalasyndaǵy Ala­taý aýdanynyń turǵyn­dary­men kezdesý kezinde JSDP ókilderi saılaý tizimine saı­laýshylardyń bar­ly­ǵyn engizý jóninde má­se­le kóterdi. Bul úshin JSDP ókilderi jer­gilikti ákim­dikterge qalada qazirshe tirkele qoımaǵan aza­mattardyń barlyǵyn ýaqyt­sha tirkep, olardyń azamattyq paryzyn atqarýyna jaǵdaı jasaý qajet dep sanaıdy. Jalpyulttyq sosıal-de­mokratııalyq partııanyń qo­ǵamdyq qabyldaý bólmeleri barlyq oblys orta­lyq­ta­ryn­da jumys istep tur. Olarǵa  barǵan adamdar kóp­tegen máseleler boıynsha kon­sýltasııalar alýda. JSDP Almaty qalalyq fı­lı­aly­nyń tóraǵasy Ámirbek Toǵy­sov mundaı qoǵamdyq qa­byl­daý bólmeleriniń esigi kelýshilerge qashanda ashyq ekenin aıtady. «Kez kelgen ýa­qytta, biz tańerteńgi onnan keshki alty-jetige deıin kelýshilerdi qabyldaı beremiz. Bizdiń bilikti zańgerlerimiz bar. Ártúrli aryz-shaǵym­dar­dy berý úshin qajetti qu­jattardy daıyndaı ala­myz. Qajet bolsa múmkin­di­gimizge qaraı azamat­tar­dy sottarda qorǵaımyz. Osynyń bárin tegin atqaramyz», deıdi ol. Aldyńǵy kúni Jalpy­ult­tyq sosıal-demo­kra­tııa­lyq partııa taǵy bir má­sele kóterdi. Partııa Or­ta­lyq saılaý komıssııasyna saılaý komıssııalarynyń quramynda keńesshi daýys quqymen jumys istep júrgen partııa ókilderiniń eńbegine saılaý komıssııa­la­rynyń basqa da múshe­le­ri­men qatar aqy tóleý jó­ninde másele qoıdy. Bizdiń bilýimizde, bul másele Ortsaılaýkomda sársenbi kúni qaralǵan. Onyń qorytyn­dy­sy boıynsha terrıto­rııa­lyq saılaý komıssııa­la­ryna saıası partııalardyń ókil­de­ri saılaý komıssııa­lary­na múshe bolyp, ju­mys istegen jaǵdaıda saılaý naýqanyn daıyndaý men ótkizý keze­ńinde olardyń ortasha aı­lyq jalaqysyn saqtaý múm­kindigin qarastyrý jóninde hat jiberilgen. Jaqsybaı SAMRAT.