Ekibastuz qalasyndaǵy kóp profıldi baǵyttaǵy №24 mektep-gımnazııasynda jańa STEM- zerthanasy ashyldy.
Bul kenshiler shaharyndaǵy mundaı alǵashqy kabınet. Bilim ordasynyń dırektory Quralaı Rahmetjanova STEM- zerthanasynda oqý tórt baǵytta júrgiziletinin aıtyp ótti. Olar: ınjenerııa, baǵdarlamalaý, robototehnıka, 3D-modeldeý baǵyttary.
- Oqýshylar zamanaýı tehnologııalardy meńgerip, robot, mashına jasaý jáne ǵylymı-zertteý jobalarymen jumys jasaýǵa múmkindik aldy. «Sıfrly Qazaqstan» memlekettik baǵdarlamasyn júzege asyrý maqsatynda esigin aıqara ashqan kabınettiń ashylýyna «Eýroazııattyq energetıkalyq kooporasııasy» AQ demeýshilik jasady, - dedi Quralaı Rahmetjanova.
Aıta keteıik, kóp profıldi №24 mektep-gımnazııasynyń irgetasy 1993 jyly qalanǵan. Qazirgi tańda mektepte 702 oqýshy bilim alady. Daryndy oqýshylar robotehnıka konkýrstarynda júldeli oryndarǵa ıe bolyp ta úlgergen. Máselen, ótken jyly atalmysh mekteptiń oqýshylary qalalyq festıvalde jeńiske jetip, Qaraǵandy qalasynda ótken respýblıkalyq jarysta baqtaryn synaǵan.