Aqtaý qalasyndaǵy kózi kórmeıtin jáne nashar kóretinderge arnalǵan kitaphanada kezdesý ótti. Agenttiktiń aýmaqtyq departamentiniń basshysy, Ádep jónindegi keńes tóraıymy Nurgúl Jannazarova Braıl shrıftimen (zaǵıptarǵa arnalǵan shrıft) daıyndalǵan jadynama jáne qyzmet alýshylardyń quqyqtary jazylǵan aýdıojazba túrindegi SD dıskterdi tabystady.
Osy toptaǵy tulǵalardyń eshqandaı kedergisiz memlekettik qyzmetterdi barlyǵymen teńdeı alýǵa quqyly ekendigi aıtyldy. Braıl shrıftimen jazylǵan jadynamalar arqyly azamattar quqyqtary buzylǵan jaǵdaıda, ózderiniń qaıda jáne qalaı shaǵymdanýǵa bolatyny týraly naqty jazylǵan.
Sonymen qatar, jıynǵa qatysýshy kitaphana oqyrmandary ózderiniń kókeıinde júrgen suraqtaryn qoıyp, departament basshysy tarapynan mardymdy jaýaptaryn aldy.
Qazaqstan Respýblıkasynyń qoldanystaǵy zańnama talaptaryna sáıkes, árbir qyzmet alýshy: memlekettik qyzmetter alý kezinde tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline dinge kózqarasyna, nanymyna, turǵylyqty jerine baılanysty nemese kez kelgen ózge de jaǵdaıattar boıynsha qandaı da bir kemsitýshiliksiz teńdeı qol jetkizýge quqyly ekendigi aıtyldy.
Al qyzmet alýshylardyń quqyqtary buzylǵan jaǵdaıda, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń 30-36-48, 30-36-49 jumys telefondaryna, 87071701424 shuǵyl jelisine nemese 1424 Call center habarlasýǵa bolady.