Oblystyq jer qatynastary basqarmasy jańǵyrtylmaly energııa kózderi nysandary úshin 1100 gektardaı jer bólinetindigin aıtady.
Qys-qystaý, jaz-jaılaý, kúz-kúzekke shyǵyp ketetin malshylar buryn «chabanka» dep atalatyn daryldaq dvıjokty otaldyryp, jaryq alatyn.
Benzınmen jumys jasaıtyn bul apparat sál aýyrlyq tússe qaqalyp-shashalyp sónip qalatyn edi.
Búginde kún, jel energııasy paıdalanýda bul qıyndyqtar artta qalyp barady.
– Kún panelderin jyljymaly vagondarǵa jáne qystaýdaǵy úılerimizge ornatyp, ıgiligin kórip otyrmyz. Odan alynǵan tok kózin kúni boıy paıdalanamyz, – deıdi «Jańaqorǵan Asyl Túlik» JShS tóraǵasy Sársenbek Moldashev.
Kún bultty bolǵannyń ózinde energııa jınap alatyn qondyrǵynyń qýaty biraz kúnderge jetedi eken. Jer astynan sý tartýǵa da kún panelderin paıdalaný ájetke jarap tur.
Aýyl sharýashylyǵy basqarmasy ótken jyly Syr óńirinde 56 kásipker óz qojalyǵyna balamaly energııany engizse, tek bıyldyń ózinde 132 sharýa qojalyǵy 154 kún panelin satyp alǵandyǵyn aıtady.
Baqtııar TAIJAN,
«Egemen Qazaqstan»
QYZYLORDA OBLYSY