Planetamyzda janýarlardyń jappaı joıýlýynyń altynshy tolqyny bastaldy jáne buǵan sebep: adamdardyń is-áreketi. Bul týraly Dúnıejúzilik jabaıy tabıǵat qorynyń London zoologııalyq qoǵamymen birlesip ázirlegen sońǵy baıandamasynda aıtylǵan, dep habarlaıdy EURONEWS.
Tabıǵatty qorǵaý qoǵamynyń ókili Margaret Kınneırd: «Jaǵdaı óte aýyr jáne asa qorqynyshty. 1970 jyly jer betinde jabaıy janýarlardyń 52 paıyzy mert bolǵanyn aıtqanbyz. Sodan beri olardyń sany 60 paıyzǵa azaıǵan. Eger qazir áreket etýdi bastap, bıoártúrliliktiń tómendeýine kedergi keltirmesek, biz jabaıy tabıǵattyń kóz aldymyzda joıylǵanynyń kýágeri bolamyz», dedi.
Osyndaı qaýip tónip turǵanda, Qytaı bıligi dástúrli medısınada qoldanylatyn jolbarys súıekteri men múıiztumsyq múıizderiniń saýdasyna salynatyn tyıymdy jeńildetti. Mundaı qadam tabıǵat qorǵaýshylaryna unaǵan joq. О́ıtkeni jolbarystar men múıiztumsyqtar brakonerlik árekettiń áserinen tolyqtaı joıylyp ketýi múmkin.