Reseıdiń Mahachkala qalasynan kelgen tropıkalyq qustar men ekzotıkalyq janýarlardyń kóshpeli kórmesin oblys turǵyndary bir aı boıy alańsyz tamashalaı alady.
«Bizdiń tálimbaqta qustar men janýarlardyń eki myńnan astam túri bar. О́te sırek kezdesetin túrlerin alyp keldik», deıdi kórmeni uıymdastyrýshylardyń biri Petr Zatolokın.
Baldyrǵandardyń kóbi Madına esimdi braza maımyly tóńireginen aınalshyqtap shyqpaıdy. Ár qylyǵyn qyzyq kóredi. Negizinen Brazılııa elinde kezdesedi. 60 jasqa deıin ómir súredi. Maına esimdi qaratorǵaı Indııa elinde kıeli qus sanalady eken. Tamaqty tańdap,talǵap jeıdi. Azyǵy Germanııadan arnaıy ákelinetin kórinedi. Balaqaılardyń bári 3 metrlik jylannyń janyna jaqyn barýǵa táýekel ete bermeıdi. Ala pıtonnnyń salmaǵy 20 kılo. Aıyna bir ret qoıanmen azyqtandyrsa jetkilikti. Kóbine batpaqty jerlerde tirshilik etedi.
Adamsha sóılep, 1500 sózge deıin jatqa aıtatyn totyqustyń jasy tórtte. Esimi-Gosha. Eli–Amerıka. Qútimi kelisse, 20 jyldan artyq ómir súredi.Tropıkalyq qustar men janýarlar kórmesine úsh jasqa deıingi balalar tegin kire alady.
О́mir ESQALI,
«Egemen Qazaqstan»
Soltústik Qazaqstan oblysy