Bes jylda 97 dárigerge úı berildi

Glýbokoe aýdandyq aýrýhanasynyń bas dárigeri Qaırat Bedelmanovtyń qyzmet ótili 30 jyl. Ol Ulan aýdany­nyń Tarǵyn aýylyndaǵy orta mektepti bitirgen soń azamattyq boryshyn óteý­­­ge áskerge atta­nady. 21 jasynda Se­meı­degi medısına akademııasynyń stýdenti atanyp, úsh bir­deı hırýrg, travmatolog, revmatolog ma­man­dy­ǵyn alyp shyǵady. Eńbek jolyn Rıd­derdegi qalalyq aýrýhanada bastap, sosyn О́skemendegi jedel járdem aýrýhanasynda birer jyl qyzmet etedi. Budan týra 7 jyl buryn óz mamandyǵyna sheksiz berilgen, bilimdi de bilikti dárigerdi Glýbokoe aýdandyq aýrýhanasyna bas dárigerlikke ta­ǵaıyndaıdy. Aýdanda 63 myńnan astam turǵyn bar. Ol eń áýeli kenshiler men shahterler, aýyl sharýashylyǵy qyzmetkerleri mekendep jatqan aýyl­dar men kentterdi aralap shyqty. Dárigerlik qyzmet kórsetetin mekemelerde zamanaýı jabdyqtar joqqa tán eken. Al aýdan ortalyǵyndaǵy or­talyq aýrýhana qulaýǵa jaqyn. Bas dáriger jańadan aýrýhana salý jó­nindegi oıyn júzege asyrdy. 2014 jyly sapaly densaýlyq ordasy paı­dalanýǵa berildi.

– Elbasynyń jaqynda ǵana jarııa­lanǵan Qazaqstan halqyna Jol­da­ýynda halyqtyń ál-aýqatyn, tur­my­syn jaqsartý, adam den­saýlyǵyna kó­­­ńil bólý jaıly aıtylǵan. Biz bul maq­­­satta izdenis pen ilkimdilik tany­tý­damyz. Qazirgi tańda aýdanda 14 dári­ger­lik ambýlatorııa, 8 feldsherlik, 4 dá­rigerlik pýnkt halyqqa qyzmet etýde. Bul salada 670 adam eńbek etedi. «Dıp­lommen – aýylǵa!» baǵdarlamasy boıynsha sońǵy bes jylda joǵary jáne orta arnaýly bilim ordalaryn bitirip kelgen jas mamandarǵa 97 páter berildi. Bizge negizinen Almaty, Qaraǵandy jáne Semeı medısına ınstıtýttaryn bitirgen jas mamandar, Semeı men О́skemendegi medısınalyq kolledjderdi támamdaǵan jastar keledi. Olardyń barlyǵy qyz­metke ornalasty, turǵyn úı máseleleri she­shildi. Sońǵy jyldary «Paryz» qa­ıyrymdylyq qory arqyly 47 sapaly dárigerlik jabdyqtar, ÝZI apparattary, jansaqtaý bólimine ja­ńa apparattar, 5 EKG, basqa da qon­dyrǵylar satyp alyndy, – deıdi aýdan­dyq aýrýhananyń bas dárigeri Qaırat Ramazanuly.

Sońǵy birer jylda ǵana aýdanda 6 em­­deý ortalyǵy salynypty. Atap­ aıt­­qan­­da, kenshiler kenti – Be­loý­­sovkada, Cheremshanka, Ýshanov, Sekısovka aýyl­­­daryndaǵy dárigerlik-emdeý ambýlatorııa­lary turǵyndarǵa qalt­qysyz qyzmet kór­setýde. Eldi me­ken­­derge aýdan ákimi Qalı­han Baı­ǵony­sov bas dárigermen birge baryp, turǵyndarmen kezdesý ótkizedi. Aýyl tur­ǵyndary ózderiniń muń-muq­taj­daryn batyl bildirip, ótinish­terin aıtady. Máselen, Bobrovka aýylynda bolǵan kezdesýde tur­ǵyndar keı mamandyq ıeleriniń bolmaýynan aýdan ortalyǵyna nemese oblysqa baratyn­daryn aıtty.

Aýdandyq aýrýhananyń jedel járdem bó­liminde qazir 52 dáriger men qyzmetker eń­bek etedi. Bólimshe qajetti tehnıka, jedel jár­dem kólikterimen qamtamasyz etilgen. Syr­qat jandar aýdan ortalyǵyna nemese taıaq tastam jerdegi О́skemenge jetkiziledi. Dári­gerler telefonmen, basqa da qajetti qu­ral-jabdyqtarmen qamtamasyz etilgen. Bas dá­rigerdiń aıtýynsha, sońǵy birer jylda ǵana 78 dáriger, 213 medbıke, basqa mamandyq ıeleri Máskeý, Kıev, Astana, Pavlodar, Semeı jáne О́skemen qalalarynda biliktiligin arttyrǵan.

– Bizde qyzmet etetin dárigerler Gıp­po­krat antyna adal, naýqastarǵa sapaly qyz­met etýdi basty mindeti sanaıdy, – deıdi bas dá­ri­ger Qaırat Bedelmanov. 

Ońdasyn ELÝBAI, jýrnalıst

Shyǵys Qazaqstan oblysy,

Glýbokoe aýdany