Vengrııa astanasy Býdapeshtte 7-12 qarasha aralyǵynda sınhrondy júzýden halyqaralyq týrnır ótti. Eýropadaǵy dúbirli dodaǵa Majarstan, Slovenııa, Chehııa, Polsha jáne Qazaqstannan 300-ge jýyq sportshy qatysty.
Bir aptaǵa sozylǵan halyqaralyq jarystyń qorytyndysynda 13-15 jas aralyǵynda jasóspirimder arasyndaǵy básekede qazaqstandyq sportshylar bas júldeni ıelendi. Atap aıtar bolsaq, jekeleı synda Arına Mıasnıkova birinshi, Eterı Kakýtıa ekinshi satydan kórindi. Al juptyq synda Arına Mıasnıkova men Nargıza Bolatova top jardy. Sonymen qatar toptyq jattyǵýda da bizdiń qurama úzdikter qatarynan kórindi.
Daıyndaǵan Álı BITО́RE,
«Egemen Qazaqstan»