Oblystyq energetıka jáne Turǵyn úı kommýnaldyq sharýashylyq basqarmasynyń málimetinshe, basqarmada turǵyndardy qys mezgilinde kómirmen qamtamasyz etýdi baqylaýǵa alatyn jumys toby quryldy.
Jumys toby óńirde kómirdiń sapasyn anyqtaý jáne kómirdiń ruqsat etilmegen jerlerde qymbat baǵamen satylmaýy úshin arnaıy reıdke shyǵady.
Reıd barysynda oblys ortalyǵyndaǵy kómir satatyn 4 orynnyń birinde zańsyzdyq anyqtalyp, ákimshilik hattama jasaldy.
Al, Ońtústik stansasy 38 meken-jaıynda ornalasqan kómir satý oryndary sapasyz, baǵasy arzan «Gamma» «Sarykól» JShS-tary kenishterinen alynǵan kómirdi satýmen aınalysqandyqtan bul oryn jabyldy.
Jumys toby júrgizilgen reıd barysynda kómir baǵasynyń arzandaǵany da baıqaldy.
Mysaly, «Elıt KZ» JShS-niń temirjol tuıyǵyndaǵy Maıkóbe kómiriniń bir tonnasynyń baǵasy 11 myń teńge, Shubarkóldiń kómiri 16000 teńgege satylýda.
Basqarmanyń málimetinshe, qys mezgilindegi halyq tutynatyn kómir baǵasyn retteý, sapalay kómir jetkizýdi baqylaıtyn jumys tobynyń reıd jumsytary jalǵasady. Tipti, qańtardan bastap kómirdiń qunyn birshama tómendetýde josparlanyp otyr.
Sondaı-aq oblys ákimdigi «Maıkóben-Vest» JShS jáne «Bogatyr Kómir» JShS kenishterimen óńir turǵyndarynyń qystan qysylmaı shyǵýlary úshin kómir satýshylarǵa kómirdi kenishten birinshi kezekte bosatý jóninde kelisimge qol jetkizdi.
Farıda BYQAI,
«Egemen Qazaqstan»
PAVLODAR