Fýtzaldan 2018/2019 jylǵy maýsymnyń qorytyndysy boıynsha ÝEFA Chempıondar lıgasynyń «Tórttik fınaly» kelesi jyldyń sáýir aıynyń aıaǵynda Almatyda ótedi.
Klýbtyq komandalar arasyndaǵy eń bedeldi jarystyń fınaldyq saıystary buǵan deıin birqatar memlekette ótken. Al Qazaqstan aıtýly básekeni eki márte qabyldady. 2011 jáne 2017 jyldary Almatydaǵy dop dodasy asa joǵaryda deńgeıde uıymdastyrylyp, mamandar tarapynan «óte jaqsy» degen baǵaǵa ıe boldy. Bul joly «Tórttik fınalynda» «Qaırat» (Almaty), «Barselona» (Barselona), «Sportıng» (Lıssabon) jáne «Inter Movıstar» (Madrıd) klýbtary kúsh synasady.
Esterińizge sala keteıik, «Tórttik fınalynda» eń mol oljaǵa kenelgen el – Ispanııa. Pıreneı túbeginiń komandalary 14 márte aqtyq synǵa deıin alqynbaı jetip, 9 ret top jardy. Reseılik klýbtar úsh jarysta dara shyqsa, Almatynyń «Qaıratyna» eki bas júlde buıyrdy. Sondaı-aq, Italııa, Belgııa jáne Portýgalııada jasaqtalǵan komandalar bir-bir retten jeńimpaz atandy.
Ǵalym SÚLEIMEN,
«Egemen Qazaqstan»