Semeıde Tuńǵysh Prezıdent kúni qarsańynda «Jastar forýmy-2018» merekelik sharasy ótti. Sharaǵa qala ákimi Ermak Sálimov qatysyp, forýmǵa qatysýshylarǵa aq jol tiledi.
- Qazirgi zamanda jastarǵa kóp talap qoıylady, sizder eldiń bolashaǵysyzdar! Biz jastar saıasatyn árqashan qoldap otyramyz. Sizderge barlyq jaqsylyqtar men zor densaýlyq, otbasylaryńyzǵa amandyq tileımin,-dedi qala ákimi Ermak Bıdahmetuly.
Forým barysynda kópshilik «Career guidance», «Elective», «Zhas Study» «Bıznes-Inkýbator KazGIýIÝ», «InWave» sııaqty baǵdarlamalarmen de tanysty. Forým keshinde qala ákiminiń syılyǵyna 11 úmitker tańdalynyp alynyp, aqshalaı syılyq pen marapattaryn aldy. Olardyń qatarynda «Jyldyń jas uıymy» ataýyna «Nur Otan» partııasynyń «Jas Otan» qanaty ıe boldy. «Jyldyń jas otbasyna» eki birdeı otbasy tańdalynyp alyndy. Qoǵam ómirine belsendi qatysýshy Aıbek Jálelov pen jary Sáýle, sondaı-aq, Abaıdyń memlekettik qoryq-mýzeıiniń ǵylymı qyzmetkeri Qýat Qıyqbaı men jubaıy Áıgerim Qabıdollaqyzyn qala ákimi Ermak Sálimov quttyqtady. Úzdik stýdent Ernar Amangeldiuly «Jyldyń jas volenteri» ataǵyna ıe boldy. Paýerlıftıngishi Tastanbekov Erjan «Jyldyń úzdik sportshysy» marapatyna ıe boldy. Erjan ózi bala kezinen sportpen aınalysyp, qajymas qaıratyn dáleldeı bildi. Al «Jyldyń jas daryny» bolyp aqyn, Qazaqstan Jazýshylar Odaǵynyń Semeı fılıalynyń tórǵasy Mereı Qart tanyldy. Mereı Qarttyń osy marapatqa laıyq ekendigi onyń jas ta bolsa, kóptegen qoǵamdyq isterge aralasyp, óziniń talantymen tanylýynda, dedi uıymdastyrýshy Jastar Resýrstyq Ortalyǵynyń mamandary. Mereıli quttyqtaýdan soń barlyǵy arnaıy konserttik baǵdarlamany tamashalady. Jyl úzdikteri atalǵandardyń barlyǵyna arnaıy dıplom men 50 myń teńge aqshalaı syılyq tabys etildi.
Raýshan QABJANQYZY,
Semeı