Kalashnıkov omartasynan alynǵan bashqurt balynyń kórmesi barysynda petropavldyqtarǵa dámdiligimen qosa adam aǵzasyna óte paıdaly baldyń 22 túri usynyldy.
Anastasııa Ekımova bal jármeńkesin únemi asyǵa tosady. Keıýana zeınetaqynyń bir bóligin bal satyp alýǵa jumsaıdy. О́zin únemi sergek, tyń sezinetini, aýyrmaıtyny da sondyqtan. Taýly, jabaıy, propolıs, jańǵaqty bal túrleri úlken suranysqa ıe. Máselen, «Kandyk» dep atalatyn bal gıpertonııa aýrýyna shıpasy mol. Qabyldaǵan dári-dármekten keıin aǵzany tez qalypqa keltiredi.
«Bal sapasymen erekshelense, halvanyń dámdiligi til úıiredi. Anamnyń júregi kópten beri aýyrady. Sondyqtan da tabıǵı ónimderdi alýǵa tyrysamyn», deıdi turaqty tutynýshylardyń biri Ekaterına Kırtıanova.
Satýshy Anastasııa Ekımovanyń aıtýynsha, «Jeti emdik shóp» baly Býrdzıan qoryǵynda jınalady eken. Júrek-tamyr, qan qysymyna paıdasy zor. «Amýr barqytynyń» quramynda tabıǵı ıod kóp bolǵandyqtan, súıektiń qataıýyna kómektesedi. Mamandar dıabetke shaldyqqandar úshin «Aq akasııany» alýǵa keńes beredi. Baǵasy árqıly. 2 myńnan 5 myń teńgege deıin.
Baldyń kez kelgen túri tumaý aýrýlarynyń da aldyn alýǵa septesedi. Kalıı, fosfor, amın qyshqyly, taǵy basqa dárýmender molynan kezdesedi.
Bashqurt balynyń jármeńkesi 29 jeltoqsanǵa deıin sozylady.
О́mir ESQALI,
«Egemen Qazaqstan»
Soltústik Qazaqstan oblysy