Osyǵan deıin Geolog aýylynyń turǵyndary jaryqsyz kóshelerge shaǵymdanǵan bolatyn, dep habarlaıdy Atyraý ákimdiginiń baspasóz qyzmeti.
Geolog aýyldyq okrýginde kóshelerdi jaryqtandyrý problemasy belsendi túrde sheshilýde. Jaqynda Geolog aýylynda 62 úıdiń aýlalarynda jaryqdıodty shamdardy ornatý jobasy aıaqtaldy.
- Biz eki apta boıy únemdelgen bıýdjet qarajaty esebinen aýlalardy jaryqtandyrýdy júrgizdik. Úılerge shamdardy ornatýdy JK «Bekjan» júzege asyrdy , - deıdi Geolog aýyldyq okrýginiń ákimi Qýandyq Jaqııalıev.
Joba sheńberinde 35 elý vatt jáne 75 vatt energııany únemdeıtin elektrodtar satyp alyndy. Olar úıler men áleýmettik mekemelerdiń aldyna ornatyldy.
- 2018 jyly Geolog aýyldyq okrýgte memlekettik-jekemenshik seriktestik sheńberinde bes kósheni qamtıtyn 3,3 km kóshe jaryqtandyryldy. Jańa jylda biz MJÁ sheńberinde taǵy 6 kóshe jaryqtandyrýdy josparlap otyrmyz, - dep túsindirdi Qýandyq Jaqııalıev.
Aıta keteıik, «Atyraýdaǵy kóshelerdi jaryqtandyrý jelilerin salý jáne paıdalaný» 2017 jyldan bastap memlekettik-jekemenshik áriptestik aıasynda júzege asyrylady. 2019 jyly eki qosymsha MJÁ jobalary aıasynda 192 qalalyq kóshege jaryq berýdi qamtamasyz etý josparlanýda.