Qazaqstannyń Taıland Koroldigindegi elshiligi Taılandta tynyǵyp jatqan qazaqstandyqtardy abaı bolýǵa shaqyrdy. О́ıtkeni, Taıland jaǵalaýyna «Pabýk» tropıkalyq daýyly jaqyndap kele jatyr, dep habarlaıdy QazAqparat elshiliktiń baspasóz qyzmetine silteme jasap.
«Qurmetti otandastar! Barynsha abaı bolyp, qaýipsizdik sharalaryn saqtaýdy ótinemiz. Ońtústik Qytaı teńizinen bastalǵan «Pabýk» tropıkalyq daýyly Spratlı araldarynyń ońtústik-batysynda, búginde ol Sıam shyǵanaǵyna jaqyndap kele jatyr. 5 qańtar kúni daýyl Taıland jaǵalaýyna jetedi», - delingen elshiliktiń eskertpesinde.
3, 4 qańtar kúnderi Sýratthanı, Nakhonsıthammarat, Phatthalýng, Songkhla, Pattanı, Iаla, Narathıvat, Krabı, Trang jáne Satýn provınsııalarynda nóser jaýyn jaýady. Al 4, 5 qańtarda Phetbýrı, Prachýapkhırıkhan, Nakhonsıthammarat, Phatthalýng, Songkh la, Pattanı, Iаla, Narathıvat, Ranong, Phangnga, Phýket, Krabı, Trang jáne Satýn provınsııalarynda qatty jaýyn kútiledi.