Táýelsiz elder dostastyǵy (TMD) elderiniń jańajyldyq shyrshalarynyń reıtıngi jarııalandy. TMD elderiniń astanalarynda ornalasqan úzdik shyrshalarǵa bıiktigine qaraı baǵa berildi, dep habarlaıdy QazAqparat TýrStat taldaý agenttigine silteme jasap.
Qazaqstannyń bas shyrshasy bıyl EKSPO-2017 kórmesi aýmaǵyndaǵy «Nur Álem» pavılonynyń mańyna jaıǵasty. Bıiktigi - 25 metr. Onyń shamy ótken jyldyń 18 jeltoqsan kúni saltanatty túrde jaǵylǵan-dy. Al Máskeýdegi Kreml janyndaǵy alańda oryn tepken «tiri» shyrsha TMD astanalary jańajyldyq shyrshalarynyń kóshin bastady.
Sonymen, TýrStat málimetinshe, TMD-daǵy eń bıik shyrshalar myna qalalarda ornalasqan: Ashhabad (38 metr), Baký (37 m), Erevan (37 m), Tashkent (35 m), Mınsk (30 m), Dýshanbe (28 m), Máskeý (27 m), Astana (25 m), Bishkek (25 m) jáne Tbılısı (25 m).