Qoǵamdyq tártipti qadaǵalaý, jol qaýipsizdigin der kezinde qamtý, qylmystyń aldyn alýǵa oraı Jańa jyl meıramy kezinde Semeı qalasy polısııa basqarmasynyń jeke quramy kúsheıtilgen qyzmet túrine kóshti.
2019 jyldyń 31 jeltoqsan men 2 qańtar aralyǵynda Semeı polısııa basqarmasyna 430 qylmys pen túrli oqıǵalar tirkelgen, onyń 63-i asa aýyr qylmys túrine jatady.
- Onyń ishinde bótenniń múlkin tonaý 18 fakti bolsa, 12 buzaqylyq, 5 alaıaqtyq, 1 tonaý, 6 ret densaýlyqqa zııan keltirý isteri tirkelip otyr, - dedi Semeı qalalyq polısııa basqarmasy baspasóz qyzmetiniń jetekshisi Elýbek Ospanov, - polıseıler qylmystyń 60 paıyzynyń izin sýytpaı ashty. Osy mereke kúnderi 21 jol kólik oqıǵasy oryn aldy. Jol kólik apatynan ázirshe jaraqat alyp, qazaǵa ushyraǵandar joq.
Beınebaqylaý arqyly 2 qylmystyq iz, buzaqylyqtar kóńil kóterý nysandarynan esepke alyndy. Usaq tártip buzýshylyqqa oraı 40 ákimshilik quqyq buzýshylyq tirkelip otyr.
Raýshan QABJANQYZY,
«Egemen Qazaqstan»