Almaty jurtshylyǵy kórnekti memleket jáne qoǵam qaıratkeri Sultan Jıenbaevty aqtyq saparǵa shyǵaryp saldy. Abaı atyndaǵy Opera jáne balet teatrynda jınalǵan zııaly qaýym ókilderi qaıratkerdiń azamattyq tulǵasy men halqyna sińirgen eren eńbegi jaıly tebirene estelik aıtty.
Qaraly jıynda Almaty qalasynyń ákimi Baýyrjan Baıbek Memleket basshysynyń jedelhatyn oqyp, marqumnyń týystaryna shahar jurtshylyǵy atynan kóńil aıtty.
Sultan Jıenbaev 1921 jyldyń 22 shildesinde Almaty qalasynda dúnıege kelgen. 1953-1954 jyldar aralyǵynda Qazaq KSR Saýda mınıstrliginiń basqarma basshysy, al 1954-1959 jyldar aralyǵynda Almaty qalalyq partııa komıtetiniń bólim meńgerýshisi, 1962-1970 jyldary Qazaq KSR Saýda mınıstri qyzmettterin atqarǵan. 1970-1984 jyldar aralyǵynda S.Jıenbaev Mınıstrler Keńesi tóraǵasynyń orynbasary boldy.
Sanaly ǵumyrynda halqyna qaltqysyz qyzmet etken zańǵar tulǵa qaladaǵy «Keńsaı» zıratyna jerlendi.
Arman OKTIаBR,
«Egemen Qazaqstan»
ALMATY